Qytaida koronavirýstan kóz jumǵandar sany 170 adamǵa, al aýrý juqtyrǵandar sany 7 711 adamǵa jetti, – dep habarlady Qytai Halyq Respýblikasynyń densaýlyq saqtaý máseleleri jónindegi memlekettik komiteti.
Tibette de alǵashqy naýqas tirkeldi. Tibet koronavirýstyń jańa túrinen paida bolǵan pnevmoniia indeti anyqtalmaǵan eldiń sońǵy óńiri edi, dep aqparat taratty RIA Novosti.
Osydan bir kún buryn ǵana 5 974 naýqas pen 132 qaza tapqan azamat týraly resmi túrde habarlanǵan bolatyn.
Bilik bir táýlikte 1 737 jańadan koronavirýs juqtyrý oqiǵasy týraly málimet aldy.
Buǵan qosa, 38 qaza bolý faktisin tirkedi (37 — Hýbei provintsiiasynda, bireýi — Sychýanda). Bir táýlikte aýrýhanalardan 124 adam shyǵaryldy.
Qytaidaǵy koronavirýs
Jeltoqsan aiynyń sońynda Qytaidyń Ýhan qalasynda belgisiz pnevmoniia týraly aqparat jariialandy. Keiin bilik aýrýdyń qozdyrǵyshy koronavirýstyń jańa túri - 2019-nCoV ekenin anyqtady.
Ol adamnan adamǵa juǵady. Virýs Ýhan qalasynan Qytaidyń basqa óńirlerine, keiin ózge elderge de jyldam tarap ketti.
Ázirge koronavirýstan vaktsina joq. Aýrý belgileri: joǵary temperatýra, jótel, tynys alýdyń qiyndaýy.
