Densaýlyq saqtaý ministrliginiń Taýarlar men kórsetiletin qyzmetterdiń sapasy men qaýipsizdigin baqylaý komiteti tóraǵasynyń orynbasary, Qazaqstannyń bas sanitarlyq dárigeri Jandarbek Bekshin Qytaida koronavirýstan kóz jumǵandardyń sany 1016-ǵa jetkenin málim etti, dep habarlaidy "Ult aqparat".
«11 aqpanda QHR-dyń barlyq provintsiialarynda, avtonomdy aýdandarynda jańa koronavirýstyq pnevmaniianyń 42648 rastalǵan jaǵdaiy tirkeldi. Onyń ishinde 1016-y ólimmen aiaqtalǵan. Ólim kórsetkishi 2,3 paiyz. 3396 adam (9,3 paiyzy) saýyǵyp shyǵaryldy. Álemde 27 elde koronavirýstyń jańa túrimen syrqattanýdyń 448 rastalǵan jaǵdaiy tirkeldi. Bul rette QHR-da syrqattanýdyń ósý qarqyny 31 qańtardan bastap 11 aqpan aralyǵynda 3,6 ese – 22 paiyzdan 6,1 paiyzǵa deiin tómendedi. Bul – QHR-da epidemiologiialyq jaǵdaidyń turaqtalý úrdisi baiqalǵanyn kórsetedi», - dedi Jandarbek Bekshin OKQ-da ótken baspasóz máslihatynda.
Onyń aitýynsha, Qazaqstanda koronavirýstyń taralýyna jol bermeý maqsatynda osy jyldyń 6 qańtarynan bastap memlekettik shekara arqyly ótetin barlyǵy 260 myń adam qaralǵan.
«Onyń ishinde QHR-dan kelgeni - 30852 adam. Búgingi tańda temperatýramen jáne JRVI bar 140 adam emdeýge jatqyzyldy. Onyń 113-i saýyǵyp shyqty. 27-i statsionarda jatyr. Naýqastardyń jaǵdaiy qanaǵattanarlyq. Emdeýge jatqyzylǵan adamdardyń eshqaisysynda koronavirýs anyqtalǵan joq. Meditsinalyq uiymdar Qytaidan kelgen 23 myń adamnyń densaýlyǵyna kúni boiy monitoring jasaidy. Búgingi kúni inkýbatsiialyq kezeńniń aiaqtalýyna bailanysty 15478 adam monitoringten alyndy. 8690 adam meditsinalyq baqylaýda tur. Eshkim de koronavirýstyq infekitsiia kúdigi tirkelgen joq», - dedi ol.
