دەنساۋلىق ساقتاۋ مينيسترلٸگٸنٸڭ تاۋارلار مەن كٶرسەتٸلەتٸن قىزمەتتەردٸڭ ساپاسى مەن قاۋٸپسٸزدٸگٸن باقىلاۋ كوميتەتٸ تٶراعاسىنىڭ ورىنباسارى, قازاقستاننىڭ باس سانيتارلىق دەرٸگەرٸ جانداربەك بەكشين قىتايدا كوروناۆيرۋستان كٶز جۇمعانداردىڭ سانى 1016-عا جەتكەنٸن مەلٸم ەتتٸ, دەپ حابارلايدى "ۇلت اقپارات".
«11 اقپاندا قحر-دىڭ بارلىق پروۆينتسييالارىندا, اۆتونومدى اۋداندارىندا جاڭا كوروناۆيرۋستىق پنەۆمانييانىڭ 42648 راستالعان جاعدايى تٸركەلدٸ. ونىڭ ٸشٸندە 1016-ى ٶلٸممەن اياقتالعان. ٶلٸم كٶرسەتكٸشٸ 2,3 پايىز. 3396 ادام (9,3 پايىزى) ساۋىعىپ شىعارىلدى. ەلەمدە 27 ەلدە كوروناۆيرۋستىڭ جاڭا تٷرٸمەن سىرقاتتانۋدىڭ 448 راستالعان جاعدايى تٸركەلدٸ. بۇل رەتتە قحر-دا سىرقاتتانۋدىڭ ٶسۋ قارقىنى 31 قاڭتاردان باستاپ 11 اقپان ارالىعىندا 3,6 ەسە – 22 پايىزدان 6,1 پايىزعا دەيٸن تٶمەندەدٸ. بۇل – قحر-دا ەپيدەميولوگييالىق جاعدايدىڭ تۇراقتالۋ ٷردٸسٸ بايقالعانىن كٶرسەتەدٸ», - دەدٸ جانداربەك بەكشين وكق-دا ٶتكەن باسپاسٶز مەسليحاتىندا.
ونىڭ ايتۋىنشا, قازاقستاندا كوروناۆيرۋستىڭ تارالۋىنا جول بەرمەۋ ماقساتىندا وسى جىلدىڭ 6 قاڭتارىنان باستاپ مەملەكەتتٸك شەكارا ارقىلى ٶتەتٸن بارلىعى 260 مىڭ ادام قارالعان.
«ونىڭ ٸشٸندە قحر-دان كەلگەنٸ - 30852 ادام. بٷگٸنگٸ تاڭدا تەمپەراتۋرامەن جەنە جرۆي بار 140 ادام ەمدەۋگە جاتقىزىلدى. ونىڭ 113-ٸ ساۋىعىپ شىقتى. 27-ٸ ستاتسيوناردا جاتىر. ناۋقاستاردىڭ جاعدايى قاناعاتتانارلىق. ەمدەۋگە جاتقىزىلعان ادامداردىڭ ەشقايسىسىندا كوروناۆيرۋس انىقتالعان جوق. مەديتسينالىق ۇيىمدار قىتايدان كەلگەن 23 مىڭ ادامنىڭ دەنساۋلىعىنا كٷنٸ بويى مونيتورينگ جاسايدى. بٷگٸنگٸ كٷنٸ ينكۋباتسييالىق كەزەڭنٸڭ اياقتالۋىنا بايلانىستى 15478 ادام مونيتورينگتەن الىندى. 8690 ادام مەديتسينالىق باقىلاۋدا تۇر. ەشكٸم دە كوروناۆيرۋستىق ينفەكيتسييا كٷدٸگٸ تٸركەلگەن جوق», - دەدٸ ول.
