Seisenbige qaraǵan túni Qytaidyń shyǵys bóliginiń Chjetszian provintsiiasynda Hagupit (Hagýpit) taifýny bastaldy. Bul – biyl Qytaida bolǵan tórtinshi taifýn, dep habarlaidy "Ult aqparat" Sinhýa agenttigine silteme jasap.
QHR Ulttyq meteorologiia ortalyǵy taifýn el jaǵalaýynda jergilikti ýaqyt boiynsha shamamen saǵat 3:30-da bastalǵandyǵyn málim etti. Onyń jyldamdyǵy sekýndyna 38 metrge deiin jetken.
Taifýnmen birge, Chjetszian jáne Fýtszian provintsiialarynda nóser jaýyn jaýyp, qatty jel soǵa bastady.
Meteorologtar taifýnnyń Qytaidyń soltústigine qozǵalyp, qarqyny sol jerde basyla túsetinin eskertedi. Daýyl el aýmaǵynda seisenbiniń keshinde basylyp, odan keiin Koreia túbeginiń batys jaǵyna qarai yǵysady.
Dúisenbi kúni saǵat keshki 10-ǵa qarai Chjetszian provintsiiasynda 381 375 adam qaýipsiz jerge shyǵarylǵan.
Fýtszian provintsiiasynda taifýn saldarynan temirjol tasymaly men qurylys jumystary toqtatylǵan.
