Qytaida afrika shoshqa obasynyń taralýyna bailanysty 8 myńnan asa shoshqa joiyldy, dep habarlady RIA Novosti.
Juma kúni Qytaidyń aýyl sharýashylyǵy ministrligi eldiń soltústik-shyǵysyndaǵy Liaonin provintsiiasynda afrika shoshqa obasy tirkelgenin habarlady. Indet 1 tamyz kúni Shenian qalasyndaǵy mal qoranyń birinen shyqqan. Juqpaly aýrý oshaǵy qorshalyp, shoshqany joiý jumystary bastaldy, aýmaqty dezinfektsiialaý jáne zalalsyzdandyrý sharalary júrgizilip jatyr.
Resei veterinarlyq jáne fitosanitariialyq baqylaý federaldy qyzmetiniń málimetinshe, 47 shoshqa indetti juqtyryp, 8069-y joiyldy.
"Indetti týdyrǵan afrika shoshqa obasy virýsynyń genotip jáne genetikalyq sipattamasy týraly týraly aqparat joq. Infektsiianyń kózi de anyqtalmady", — dep jazylǵan habarlamada.
Aita keteiik, Qytai álemde shoshqa etin eń kóp óndiretin elderdiń qatarynda. Afrika shoshqa obasy – asa qaýipti arýlardyń biri. Bul shoshqanyń juqpaly virýstyq indeti adamǵa qaýip tóndirmeidi, alaida aýyl sharýashylyǵy salasyna úlken ziian keltiredi. Óitkeni janýarlardy emdeý múmkin emes. Indettiń taralýyn tek qatań karantindik sharalar arqyly toqtatýǵa bolady.
