7 naýryzda Qytaidyń Tsiýanchjoý qalasyndaǵy bes qabatty qonaqúi qirap, ondaǵan adam úiindi astynda qaldy. Bul otelde Covid-19 virýsyn juqtyrǵan adamdardyń janynda bolǵandar karantinde jatqan.
Qytai memlekettik aqparat quraldary apattan tórt adam qaza bolǵanyn, úiindi astynda qalǵan 70 adamnyń 38-i qutqarylǵanyn 29 adam áli tabylmaǵanyn habarlady. Internette taraǵan videoda qutqarýshylardyń úiindi astynan adamdardy izdep jatqany kórinedi. Qonaqúidiń qiraýyna ne sebep bolǵany belgisiz.
80 bólmesi bar qonaqúi 2018 jyly ashylǵany habarlandy.
6 naýryzdaǵy derek boiynsha, Tsiýanchjoý qalasy ornalasqan Fýtszian provintsiiasynda 296 adam virýs juqtyrǵan. 10819 adam karantinde jatyr.
7 naýryzdaǵy derek boiynsha, álemde 102 myńnan astam adamnan Covid-19 virýsy tabylǵan. 3400 astam adam kóz jumsa, 57 myń adam dertten aiyqqan.
