7 ناۋرىزدا قىتايدىڭ تسيۋانچجوۋ قالاسىنداعى بەس قاباتتى قوناقٷي قيراپ, ونداعان ادام ٷيٸندٸ استىندا قالدى. بۇل وتەلدە Covid-19 ۆيرۋسىن جۇقتىرعان ادامداردىڭ جانىندا بولعاندار كارانتيندە جاتقان.
قىتاي مەملەكەتتٸك اقپارات قۇرالدارى اپاتتان تٶرت ادام قازا بولعانىن, ٷيٸندٸ استىندا قالعان 70 ادامنىڭ 38-ٸ قۇتقارىلعانىن 29 ادام ەلٸ تابىلماعانىن حابارلادى. ينتەرنەتتە تاراعان ۆيدەودا قۇتقارۋشىلاردىڭ ٷيٸندٸ استىنان ادامداردى ٸزدەپ جاتقانى كٶرٸنەدٸ. قوناقٷيدٸڭ قيراۋىنا نە سەبەپ بولعانى بەلگٸسٸز.
80 بٶلمەسٸ بار قوناقٷي 2018 جىلى اشىلعانى حابارلاندى.
6 ناۋرىزداعى دەرەك بويىنشا, تسيۋانچجوۋ قالاسى ورنالاسقان فۋتسزيان پروۆينتسيياسىندا 296 ادام ۆيرۋس جۇقتىرعان. 10819 ادام كارانتيندە جاتىر.
7 ناۋرىزداعى دەرەك بويىنشا, ەلەمدە 102 مىڭنان استام ادامنان Covid-19 ۆيرۋسى تابىلعان. 3400 استام ادام كٶز جۇمسا, 57 مىڭ ادام دەرتتەن ايىققان.
