Juma kúni Qytaidyń Shansi provintsiiasynja qurylys materialdar óndiretin tseh ǵimaraty opyrylyp, birneshe adam úiindi astynda qalyp qoidy, dep habarlaidy QazAqparat.
Ortalyq Qytai telearnasynyń málimetinshe, juma kúni tańerteń QHR soltústigindegi Shansi provintsiiasy Tszinchjýn qalalyq okrýginde qurylys materialdaryn óndiretin tseh ǵimaraty opyrylǵan.
Oqiǵa saldarynan birneshe adam ǵimarat ishinde qalyp qoiǵan.
Oqiǵa ornynda qutqarý jumystary júrip jatyr.
Buǵan deiin habarlanǵandai, 29 sáýirde Chansha qalasynda (Ortalyq Qytai, Hýnan provintsiiasy) alty qabatty turǵyn úi ǵimaraty qiraǵan bolatyn.
Jumadaǵy jaǵdai boiynsha, jergilikti bilik 53 adamnyń mert bolǵanyn rastady.
Úiindi astynan 10 turǵyn shyǵaryldy. Izdeý-qutqarý jumystary aiaqtaldy.
Jergilikti BAQ málimetinshe, politsiia qulaǵan ǵimarattyń iesin ustaǵan. Quqyq qorǵaý organdary tergeý jumystaryn júrgizip jatyr.
