Qytaidyń ońtústiginde Hainan provintsiiasyndaǵy Boaoda jeksenbi kúni Boaos aziialyq forýmynyń mereitoilyq jiyny ashyldy, dep habarlaidy QazAqparat.
Biylǵy shara «Transformatsiiadaǵy álem: «Bir beldeý – bir jol» bastamasy boiynsha jahandyq basqarý jáne yntymaqtastyq úshin kúsh-jigerimizdi biriktiremiz» degen uranmen ótýde.
«Bizdiń boljamymyz boiynsha, 2021 jyly Aziianyń JIÓ - niń ósý qarqyny jedeldep, 6,5%-dan asady», - dedi jeksenbide jiyndy ashqan baspasóz máslihatynda Boao aziialyq forýmynyń bas hatshysy Li Baodýn.
Onyń aitýynsha, «Bir beldeý – bir jol» bastamasy, ASEAN elderiniń 2025 jylǵa deiingi damý baǵdarlamalaryn, Eýraziialyq ekonomikalyq odaq pen basqa da óńirlik jáne jahandyq bastamalar óńirlik ekonomika men saýda-ekonomikalyq yntymaqtastyqty pandemiiadan keiin qalpyna keltirý úshin ushtastyrýǵa yqpal etedi.
Dóńgelek ústelder men pikirtalastar «Qytaidy túsiný», «Jahandyq ózgeristerge ilesý», «Beldeý men joldyń ózara is-qimyly», «Indýstriialyq qaita qurý jaǵdailarynda», «Barshaǵa arnalǵan jańa tehnologiialar» jáne «Ózara tiimdi damý» atty alty negizgi taqyrypqa arnalǵan. Jiynnyń negizgi bóligi dástúrli formatta ótedi. Pandemiiaǵa bailanysty kóptegen spiker «onlain» formatta sóz sóileidi.
BAF uiymdastyrýshylary jiynnyń dástúrli formatyna 60-tan astam elden 2,6 myńnan astam delegat qatysatynyn habarlady.
18-21 sáýir aralyǵynda ótetin bul sharaǵa álemniń ár túkpirinen kelgen saiasatkerler men úkimet músheleri, halyqaralyq uiymdardyń basshylary, bedeldi ǵalymdar men saiasattanýshylar, sondai-aq iri halyqaralyq korporatsiialardyń ókilderi qatysady.
Qazirgi BAF otyrysyna qatysýshylar arasynda Halyqaralyq valiýta qorynyń basqarýshy direktory Kristalina Georgieva, Dúniejúzilik saýda uiymynyń bas direktory Ngozi Okondjo-Iveala, Ekonomikalyq yntymaqtastyq jáne damý uiymynyń bas hatshysy Anhel Gýrria jáne basqalary bar.
Delegattar tizimine sáikes BAF jumysyna Apple bas direktory Tim Kýk pen Tesla kompaniiasynyń bas direktory Ilon Mask, Intel bas direktory Patrik Gelsinger jáne basqalary qosylady.
Qazaqstan biyl forýmǵa onlain rejiminde qatysady. BAF-ta QR Strategiialyq josparlaý jáne reformalar jónindegi agenttiginiń tóraǵasy - «Astana» halyqaralyq qarjy ortalyǵynyń basqarýshysy Qairat Kelimbetov sóz sóileidi dep kútilýde.
Eske sala keteiik, 2020 jyly koronavirýs pandemiiasyna bailanysty jyl saiynǵy BAF jinalysy toqtatylǵan bolatyn. BAF tarihynda jyl saiynǵy shara tek 2003 jyly, QHR-da atipiialyq pnevmoniia tirkelgen kezde ǵana toqtatylǵan edi. Ol kezde jinalys qarashaǵa aýystyryldy.
2001 jyly qurylǵan Boao aziialyq forýmy – Qazaqstandy qosa alǵanda, 29 múshe memleket bastamashylyq etken úkimettik emes halyqaralyq uiym. BAF maqsaty-Aziiadaǵy óńirlik ekonomikalyq integratsiiany qoldaý.
