Beijińde eki mereitoilyq data: Ábý Nasyr ál-Farabidiń 1150 jyldyǵy men uly Abaidyń 175 jyldyq mereitoiyna arnalǵan estelik konvertterdiń tanystyrylymy ótti, dep habarlaidy "Ult aqparat".
Konvertterdiń birine uly filosof ári ǵalym Ábý Nasyr ál-Farabi, taǵy birine uly aqyn jáne aǵartýshy Abai Qunanbaiuly beinelengen.
Konvertterdegi sýretterdiń avtory – qytailyq diplomat, sýretshi Fen Ishý.
Avtordyń aitýynsha, onyń kórkemdik shyǵarmashylyqqa bet burýy qytai tiline aýdarylǵan «Abai joly» romanyn oqýdan keiin bastalǵan.
«Ál-Farabi – búkil álemge tanymal ǵalym, filosof. Ol – Shyǵys ustazy», - dep atap ótti sýretshi.
«Meniń jumystarymnyń arqasynda ál-Farabi men Abai esimderi Qytaidyń qalyń jurtshylyǵynyń ortasynda odan da tanymal bolatynyna úmittenemin», - deidi F.Ishý.
QHR Syrtqy ister ministrligi janyndaǵy filatelister qaýymdastyǵynyń hatshysy Ma Siaolin «Ál-Farabi men Abai sýretteri beinelengen estelik konvertterdi shyǵarý – bizdiń elderimizdiń arasyndaǵy dostyq pen yntymaqtastyqtyń simvoly bolyp tabylatynyn» atap ótti.
Qazaqstan Respýblikasynyń Qytai Elshiliginde Fen Ishýdyń Ábý Nasyr ál-Farabidiń 1150 jyldyǵy men Abaidyń 175 jyldyǵyna arnalǵan «Ǵasyrlar danalyǵy» atty kartinalar kórmesi ótti.
