Juma kúni QHR Densaýlyq saqtaý isi jónindegi memlekettik komitetke 327 adamnyń jańa tipti koronavirýs juqtyrǵany, sondai-aq osy indetten 44 adamnyń qaitys bolǵany týraly habar túsken. Bul týraly "Ult aqparat" atalmysh komitetke silteme jasap habarlaidy.
Onyń ishinde 41 adam - Hýbei (Ortalyq Qytai) provintsiiasynda, ekeýi – Beijińde, taǵy biri - Shyńjań-Uiǵyr avtonomiialyq aýdanynda (ShUAA) tirkelgen, dep habarlady komitetten.
Budan bólek, beisenbi kúni 452 adamnyń koronavirýs juqtyrýy múmkin ekeni týraly málimet túsken. Belgili bolǵandai, bir táýlikte 3622 adam aýrýhanadan saýyǵyp shyqqan.
Beisenbidegi aqparatqa sáikes, barlyǵy 31 ákimshilik bóliniste jáne Shyńjań óndiristik-qurylys korpýsynda aýrý juqtyrǵandar sany 78824 adamdy qurap otyr. Bul indetten 2788 adam kóz jumǵan. 7952 naýqastyń jaǵdaiy aýyr, 2308 adam aýrý juqtyrdy degen kúdikke ilingen, dedi komitetten.
Beisenbidegi málimet boiynsha, jalpy 36 117 adam aýrýhanadan emdelip shyqqan. Naýqastarmen bailanysta bolǵan 656 054 adam anyqtaldy. 65225 adam meditsinalyq baqylaýǵa alyndy.
Sondai-aq, Siangan, Aomen arnaiy ákimshilik aýdandary men Taivanda 93, 10 jáne 32 adamnyń koronavirýs saldarynan pnevmoniiaǵa shaldyqqany anyqtaldy.
