Qytai túrmesinde jatqan qazaqstandyq Aqjarqyn Turlybai otbasyna hat jazyp jiberdi. Qytai tilinen qysqartylyp aýdarylǵan hatty Aqjarqynnyń advokaty Suńqar Nurmaǵambetov jýrnalisterge berdi, dep habarlaidy Sputnik Qazaqstan.
"Qymbatty, ákeshim, anashym!
Sálemetsizder me. Tórt jyldan beri sizderge alǵash ret hat jazyp otyrmyn. Sizderdi qatty saǵyndym! Aiaýly anashym, men úshin alańdamańyz, densaýlyǵyńyzdy kútýińiz kerek, óitkeni biz - bir otbasymyz!
Meniń densaýlyǵym jaqsy, kúndelikti sportpen ainalysamyn. Kóp nárse úirendim. Kishkentai qyz ósti. Munda múldem basqa adamdar, basqa mádeniet, basqa bilim deńgeii. Men kóp nárseni túsindim. Sizderdiń fotosýretterińizdi alyp, qarap shyqtym, úide bári ózgeripti, sińlim ózgeripti, ádemi bolyp ketipti, al inim úlken azamat bolypty", — dep jazǵan Aqjarqyn.
Ol áke-sheshesinen úmit úzbeýin, tózimdilik tanytyp, kúte turýyn ótingen.
"Qazir óte kúshtimin, sońyna deiin aiaǵymda tik tura alamyn, úmit úzbeńizdershi. Sizder maǵan árdaiym qoldaý jasap, úmitimdi úzbeýge kómektesetinderińizdi bilemin.
Atam men ájemniń kóptegen áńgime aityp bergen kezderi áli esimde. Ár týǵan kúnimde tort, bálish jeitinbiz, merekelerge syilyq alǵan kezim, bári-bári esimde. Sizderge rahmet!", — dep túiindegen Aqjarqyn Turlybai.
Eske sala ketsek, Aqjarqyn Turlybai 2014 jyldyń naýryzynda esirtki tasymaldady degen kúdikpen Gýanchjoý qalasynyń áýejaiynda ustalǵan bolatyn. Ol kezde otandasymyz 20 jasta boldy. 2015 jyldyń maýsymynda Qytai soty ony ómir boiyna bas bostandyǵynan aiyrdy. Sotta Aqjarqyn sheteldik dosy aldap ketkenin aityp, kinásin moiyndaǵan joq.
Keiin apelliatsiialyq instantsiia soty ómir boiyna bas bostandyǵynan aiyrý týraly úkimdi joidy.
2016 jyldyń qarashasynda Turlybaidyń isi boiynsha apelliatsiialyq tyńdaý ótti.
