Qazaqstanǵa qytailyq týristerdi kóptep tartý úshin olardyń tilin, dástúrin de meńgerýimiz kerek. Bul týraly Astanada ótip jatqan Qazaqstan-Qytai forýmy kezinde «Atameken» ulttyq kásipkerler palatasy tóraǵasynyń orynbasary Iýliia Iakýpbaeva málim etti, dep habarlaidy Baq.kz tilshisi.
«Kelesi aptada Qazaqstan men Resei arasynda forým ótedi. Al búgingi forým Qazaqstan men Qytai arasyndaǵy týrizmge arnalǵan. Aspanasty eliniń týristeri toptasyp, Qazaqstanǵa kelýge daiyn. Qytai baspasózi ótken jyly 120 million qytailyqtyń týristik maqsatta shetelge shyqqanyn jazdy. Olar sol elderdiń týrizmine 100 mlrd dollardan astam paida túsirgen. Bul eýraziialyq naryqtyń jartysyna teń. Qazaqstandyq óndirýshiler bolsa, Eýropa naryǵyna shyqqysy keledi. Ótken jyly Qazaqstan men Qytai arasynda memorondýmǵa qol qoiylǵan edi. Ol kelisimde Qytai azamattarynyń elimizge toptyq týristik saiaxattaryn jeńildetý bolatyn. Ázirge birneshe top bolyp 300 adam keldi. Málimetterge sáikes, top bolyp kelgen 100 týrist Shyǵys Qazaqstannan 2,5 mln teńgege ártúrli sývenir satyp alǵan», - deidi Iýliia Iakýpbaeva.
Onyń aitýynsha, kelesi jyl Qazaqstandaǵy Qytai týrzimi jyly bolyp jariialanǵan. Endi shyǵystaǵy kórshilerimizdiń kóptep kelýi úshin olardyń dástúrin meńgerýimiz qajet eken.
«Biz búginde reseilik týristerdi qabyldaýdamyz. Aǵylshyn tildi týristerdi kútýge daiynbyz.Al qytailyq týristerdi qabyldaý úshin belgili bir deńgeide daiyndyq kerek.Qytai tilin meńgerip qaldyq. Endi olardyń dástúrin bilýimiz kerek. Qytailyq týristerdiń qaita kelýi úshin barlyǵyna daiyn bolýymyz qajet. Sol úshin búgingi forýmdy ótkizip otyrmyz. Sharaǵa týristik biznestiń 200-den astam ókili qatysýda. Negizi 350 adamdy shaqyrmaqshy bolǵanbyz. Aldaǵy ýaqytta mundai forýmdardy taǵy da ótkizetin bolamyz», - deidi UKP ókili.
