Qasym-Jomart Toqaevtyń Memleket basshysy bolyp sailanýy saiasi turaqtylyqty saqtap qana qoimai, nyǵaita túsedi, sondai-aq Qazaqstannyń ekonomikalyq ósimin jedeldetedi, dep esepteidi Qytai syrtqy ister ministrligi.
Qytai Halyq Respýblikasynyń syrtqy ister ministrligi Qazaqstannyń jańa prezidentin qytai halqynyń eski dosy dep atady.
"QHR tóraǵasy Si Tszinpin ony Memleket basshysy bolyp sailanýymen quttyqtady. Biz Qazaqstanda saiasi turaqtylyq saqtalyp, ekonomikalyq ósim jalǵasady dep senemiz, bul eldiń úlken ultaralyq tabysqa qol jetkizýine jáne halyqaralyq jáne kópjaqty isterde mańyzdy ról atqarýyna jol ashady", - dedi QHR SIM ókili Gen Shýan.
Diplomat Qazaqstan-Qytai seriktestik qarym-qatynasy strategiialyq mańyzdy bolyp qala beretinin atap ótti, dep habarlady RIA Novosti.
"Beijiń bizdiń ekijaqty qarym-qatynasymyzǵa úlken mán beredi, biz bailanystarymyzdy nyǵaitýǵa kúsh salýdy jalǵastyra beremiz", - dep túiindedi Gen Shýan.
Qazaqstanda prezident sailaýy ótken jeksenbide, 9 maýsymda ótti. Sailaý qorytyndysy boiynsha 70,96% daýys jinaǵan Qasym-Jomart Toqaev jeńiske jetti.
