QHR halyqtyq ókilderiniń Jalpyqytailyq jinalysy turaqty komitetiniń tóraǵasy Li Chjanshý óz eliniń basqa memleketterge qatysty ustanymyn jariialady, dep habarlaidy Sputnik Qazaqstan.
"Qytaidyń damýy – ol beibitshilikke aparatyn jol. Biz beibitshilikti baǵalaimyz jáne barynsha qorǵaimyz. Barlyq eldermen teń dárejeli jáne dostyq qarym-qatynas ornatýǵa múddelimiz. Biz qysym jasaýǵa jáne qýdalaýǵa qarsymyz. Shaǵyn bolsyn, úlken memleket bolsyn, bai ma, kedei me, árbir eldiń táýelsizdigin qurmetteimiz", - dedi Chjanshý Nur-Sultandaǵy Eýraziia elderi parlamentteri spikerleriniń IV keńesinde.
Onyń aitýynsha, Qytai óz paidasy úshin basqalardyń, sonyń ishinde kórshi memleketterdiń múddesine qaishy áreket jasamaidy.
"Qytai qarym-qatynasty kúsheitip, ózara senim men qurmetti nyǵaitý kerek dep sanaidy. Halyqtardy jaqyndastyrý úshin saýda-ekonomikalyq yntymaqtastyqty keńeitip, mádeni-gýmanitarlyq bailanysty kúsheitýdi qalaidy", - dep atap kórsetti Chjanshý.
