28 naýryzdan bastap Qytai sheteldikterge elge kirýge tyiym salady, dep habarlaidy "Ult aqparat".
«Qytailyq tarap turýǵa yqtiiarhat jáne vizasy bar sheteldik azamattar úshin elge kirýge ýaqytsha tyiym salý sheshimin qabyldady. Atalǵan shara 2020 jyldyń 28 naýryzynan engizilýde», - delingen QHR memlekettik kóshi qon basqarmasynyń habarlamasynda.
Qytaida koronavirýs indetiniń taralýyna jol bermeý aiasynda halyqaralyq jolaýshylar reisteriniń ushyp-qoný sanyn azaitý sheshimi qabyldandy.
2020 jylǵy 29 naýryzda saǵat 00:00-den bastap árbir qytailyq jáne sheteldik áýe kompaniiasy Qytaiǵa nemese Qytaidan aptasyna bir reis qana ushyra alady
Ótken táýlikte qurlyqtyq Qytaida koronavirýstan bes adam qaitys bolyp, indet juqtyrǵandar sany 55 adamǵa ósken, taǵy 537 adam aýrýdan jazylyp shyqty.
QHR densaýlyq isteri jónindegi memlekettik komiteti habarlaǵandai, 55 jańa oqiǵanyń ishinde 54-i syrttan kelgen jáne bireýi ǵana Qytai ishinde (Shyǵys Qytai, Chjetsian provintsiiasy) juqtyrylǵan.
Vedomstvonyń málimetinshe, qurlyqtyq Qytaida indetke shaldyqqan adamdardyń jalpy sany 81,3 myń adam, sonyń ishinde 74,5 myń adam jazylyp, 3292 adam qaitys boldy.
Japoniia koronavirýsqa qarsy kúres boiynsha sharalar qoldaný aiasynda Eýropanyń 21 eli men Irannan keletin sheteldik týristerdiń elge kirýine tyiym saldy.
Ońtústik Koreiada koronavirýsqa shaldyqqan adamdar sany 9332-ge jetti, ótken táýlik boiynsha 91 jańa oqiǵa tirkelgen (sonyń ishinde 34-i Tegý qalasynda) dep habarlaidy ońtústikkoreialyq Aýrýlardy qadaǵalaý jáne aldyn alý ortalyǵynan.
Jalpy alǵanda 4,5 myń adam aýrýhanadan emdelip shyqty, indetke shaldyqqan 4,6 myńnan astam adam meditsinalyq mekemelerde jatyr.
Sońǵy málimetter boiynsha, álemde indetke shaldyqqan 534506 adam (+59419 sońǵy táýlikte) tirkelgen, virýstan 24187 (+2787) adam qaitys bolyp, 119951 (+9293) jazylyp shyqty.
