Qazaqstan-Qytai shekarasynda 9000 konteiner qańtarylyp tur. «Atameken» ulttyq kásipkerler palatasy Tóralqasynyń tóraǵasy Raiymbek Batalov tikelei efirde ótken brifingide osyndai derek keltirdi, dep habarlaidy QazAqparat.
«Qytai shekarasyndaǵy jaǵdaidy da qarap jatyrmyz. Búginge deiin belgili bir oń ózgerister boldy. Sonda da 9000 konteiner, 1800 júk kóligi qańtarylyp tur. Kezekte taǵy 11 myńy tur. Kóp másele Qytai tarapyna bailanysty ekeni túsinikti. Olardy qozǵaý úshin Syrtqy ister ministrligi, Saýda jáne integratsiia ministrligi bailanysyp jatyr», - degen palata Tóralqasynyń tóraǵasy bul problema alǵa jyljýy úshin Úkimet únemi aralasyp otyrý qajettigin aitty.
«Úkimet organdary qaitadan bastamamen shyǵýy kerek. Bizdiń taraptan da máseleler bar. Sonyń bári «qolmen jumys» rejiminde sheshilip jatyr», - dedi Raiymbek Batalov.
