Foto: ©REUTERS
QHR Syrtqy ister ministrliginiń resmi ókili Chjao Litszian Reseidiń Ýkrainada arnaiy operatsiia ótkizýine bailanysty áskeri kómek suraǵany týraly habarlamalar jalǵan ekenin aitty, - dep habarlaidy Tengrinews.kz tilshisi Reuters-ke silteme jasap.
Saiasatker AQSh keiingi ýaqytta Qytaidyń Ýkraina máselesine qatysty ustanymy týraly osyndai jalǵan aqparatty belsendi túrde tarata bastaǵanyn atap ótti.
"Amerika tarapy taratqan tiisti habarlamalar jalǵan", - dedi Qytai SIM ókili.
Litszian Qytai qos taraptyń beibit kelissózderi men Ýkrainadaǵy shielenistiń toqtatylýyn qoldaitynyn atap ótti.
"Shielenistiń odan ary ýshyǵýyna emes, diplomatiialyq jaǵynan retteýge yqpal etýimiz kerek", - dep tolyqtyrdy Chjao Litszian.
Jaqynda Finansial Times, New York Times jáne The Washington Post sekildi shetel basylymdary AQSh úkimetindegi aty atalmaǵan derekkózderge silteme jasap, Resei biligi Ýkrainadaǵy áskeri shabýylǵa jáne ekonomikalyq sanktsiialardyń saldaryna qarsy turý úshin Qytaidan áskeri jáne ekonomikalyq kómek suraǵanyn habarlaǵan edi.
Amerikalyq basylym derekkózderi Máskeý Ýkrainamen aradaǵy soǵys bastalǵannan beri Beijińnen áskeri tehnika men basqa da kómek suraǵanyn málimdedi. Ft derekteri boiynsha, soǵystyń úshinshi aptasynyń ortasynda Reseide qarýdyń keibir túri taýsylýy múmkin.
