Qytaidyń soltústik-batysyndaǵy Veichjoý qalasynyń biligi júzdegen musylmannyń narazylyq aktsiiasynan keiin jańa meshitti súrýdi keiinge qaldyrdy, dep habarlaidy The Times of Israel.
Jergilikti bilik qurylysshylardyń qajetti ruqsat qaǵazdaryn almaǵanyn aityp, meshitti súrýdi talap etken. Sheneýnikter 10 tamyzǵa deiin ýaqyt bergen. Bul osy aimaqta turyp jatqan etnikalyq musylmandardyń narazylyǵyn týdyryp, olar 9 jáne 10 tamyzda beibit aktsiiaǵa shyqqan.
Basylymnyń habarlaýynsha, turǵyndar meshittiń janynan tún bolǵansha, jergilikti biliktiń ókilderi kelgen ýaqytqa deiin ketpei qoiǵan. Sheneýnikter ǵimaratty qalpyna keltirý jospary jergilikti halyqpen kelisiletinin aityp, oǵan deiin meshitke tiispeýge ýáde bergen.
