Biylǵy jylǵy 1 sáýirde Nur-Sultan qalasyna Nannin qalasynyń Gýansi-Chjýan avtonomiialyq aýdanynyń (GChAA) ákimshilik ortalyǵynan pilottyq konteinerlik poiyz keldi.
Jańa qyzmet «Bir beldeý - bir jol» qazaqstandyq – qytailyq bastamany iske asyrý sheńberinde uiymdastyryldy, dep habarlaidy "Ult aqparat" «Qazaqstan temir joly» ulttyq kompaniiasynyń baspasóz qyzmetine silteme jasap.
Konteinerlik poiyz 17 naýryzda Nannin halyqaralyq temirjol portynan jolǵa shyǵyp, 5 myń shaqyrymnan astam joldy júrip ótip, aýyr qurylys tehnika artylǵan 49 qyryq fýttyq konteinerdi jetkizdi.
«KTZ Express» AQ Qytaidaǵy ókildiginiń basshysy Nursulý Jolbasqanovanyń aitýynsha, jańa logistikalyq arna júkti jetkizý ýaqytyn 3 ese únemdeýge múmkindik berdi. Buryn Qurylys tehnikasy avtomobil kóligimen tasymaldanatyn. Jetkizý ýaqyty 45 kúnnen asatyn.
