بيىلعى جىلعى 1 سەۋٸردە نۇر-سۇلتان قالاسىنا ناننين قالاسىنىڭ گۋانسي-چجۋان اۆتونومييالىق اۋدانىنىڭ (گچاا) ەكٸمشٸلٸك ورتالىعىنان پيلوتتىق كونتەينەرلٸك پويىز كەلدٸ.
جاڭا قىزمەت «بٸر بەلدەۋ - بٸر جول» قازاقستاندىق – قىتايلىق باستامانى ٸسكە اسىرۋ شەڭبەرٸندە ۇيىمداستىرىلدى, دەپ حابارلايدى "ۇلت اقپارات" «قازاقستان تەمٸر جولى» ۇلتتىق كومپانيياسىنىڭ باسپاسٶز قىزمەتٸنە سٸلتەمە جاساپ.
كونتەينەرلٸك پويىز 17 ناۋرىزدا ناننين حالىقارالىق تەمٸرجول پورتىنان جولعا شىعىپ, 5 مىڭ شاقىرىمنان استام جولدى جٷرٸپ ٶتٸپ, اۋىر قۇرىلىس تەحنيكا ارتىلعان 49 قىرىق فۋتتىق كونتەينەردٸ جەتكٸزدٸ.
«KTZ Express» اق قىتايداعى ٶكٸلدٸگٸنٸڭ باسشىسى نۇرسۇلۋ جولباسقانوۆانىڭ ايتۋىنشا, جاڭا لوگيستيكالىق ارنا جٷكتٸ جەتكٸزۋ ۋاقىتىن 3 ەسە ٷنەمدەۋگە مٷمكٸندٸك بەردٸ. بۇرىن قۇرىلىس تەحنيكاسى اۆتوموبيل كٶلٸگٸمەن تاسىمالداناتىن. جەتكٸزۋ ۋاقىتى 45 كٷننەن اساتىن.
