Qytai men Qazaqstan arasynda Qytaidyń ońtústigindegi Nannin qalasy men Qazaqstannyń astanasy Nur-Sultan qalasymen bailanystyratyn jańa júk temirjol baǵdary iske qosyldy, dep habarlaidy "Ult aqparat".
Senbi kúni Nannin halyqaralyq temirjol portynan aýyr qurylys tehnikasy bar 49 konteiner tasymaldaityn poiyz shyǵyp, jóneltilgen sátten bastap 13 kún ishinde Qazaqstan astanasyna jetedi. Uzyndyǵy 5 031 shaqyrym bolatyn bul baǵdar «Qytai –Eýropa» halyqaralyq temirjol júk tasymaly aiasynda iske qosyldy.
«Jańa baǵdar iske qosylǵanǵa deiin mundai tasymalǵa 45 kúnnen astam ýaqyt ketetin», – dep málimdedi qytailyq Guangxi Construction Engineering Group Construction Machinery Manufacturing kompaniiasy.
China Railway Nanning Group kompaniiasynyń ókili Chjoý Sytýnnyń aitýynsha, jańa baǵdar «Bir beldeý – bir jol» bastamasyndaǵy Nanninniń rólin arttyrýda úlken mańyzǵa ie.
Esterińizge sala keteiik, Qytai biligi «Bir beldeý, bir jol» jobasy aiasynda «Qytai – Eýropa ekspresin» damytý maqsatynda temir joldar men ótkizý pýnktteriniń ótkizý qabiletin arttyrýǵa nietti.
