قىتاي مەن قازاقستان اراسىندا قىتايدىڭ وڭتٷستٸگٸندەگٸ ناننين قالاسى مەن قازاقستاننىڭ استاناسى نۇر-سۇلتان قالاسىمەن بايلانىستىراتىن جاڭا جٷك تەمٸرجول باعدارى ٸسكە قوسىلدى, دەپ حابارلايدى "ۇلت اقپارات".
سەنبٸ كٷنٸ ناننين حالىقارالىق تەمٸرجول پورتىنان اۋىر قۇرىلىس تەحنيكاسى بار 49 كونتەينەر تاسىمالدايتىن پويىز شىعىپ, جٶنەلتٸلگەن سەتتەن باستاپ 13 كٷن ٸشٸندە قازاقستان استاناسىنا جەتەدٸ. ۇزىندىعى 5 031 شاقىرىم بولاتىن بۇل باعدار «قىتاي –ەۋروپا» حالىقارالىق تەمٸرجول جٷك تاسىمالى اياسىندا ٸسكە قوسىلدى.
«جاڭا باعدار ٸسكە قوسىلعانعا دەيٸن مۇنداي تاسىمالعا 45 كٷننەن استام ۋاقىت كەتەتٸن», – دەپ مەلٸمدەدٸ قىتايلىق Guangxi Construction Engineering Group Construction Machinery Manufacturing كومپانيياسى.
China Railway Nanning Group كومپانيياسىنىڭ ٶكٸلٸ چجوۋ سىتۋننىڭ ايتۋىنشا, جاڭا باعدار «بٸر بەلدەۋ – بٸر جول» باستاماسىنداعى ناننيننٸڭ رٶلٸن ارتتىرۋدا ٷلكەن ماڭىزعا يە.
ەستەرٸڭٸزگە سالا كەتەيٸك, قىتاي بيلٸگٸ «بٸر بەلدەۋ, بٸر جول» جوباسى اياسىندا «قىتاي – ەۋروپا ەكسپرەسٸن» دامىتۋ ماقساتىندا تەمٸر جولدار مەن ٶتكٸزۋ پۋنكتتەرٸنٸڭ ٶتكٸزۋ قابٸلەتٸن ارتتىرۋعا نيەتتٸ.
