Qytaida bala týýdy shekteitin zań kúshin joiýýy múmkin. El biligi osylaisha halyqtyń qartaiý qarqynyn báseńdetpekshi.
1979 jyly qabyldanaǵan "Bir otbasyna bir bala" degen zańnyń kesirinen 2030 jylǵa qarai Qytai halqynyń tórtten bir bóligin 65 jastaǵy qariialar quramaq. Olarǵa zeinetaqy tóleý úkimetke ońaiǵa soqpaityny anyq. Sondyqtan 2016 jyldan beri eki bala týýǵa ruqsat etilgen bolatyn.
Biraq otbasynda jalǵyz ósip, sanasyna saiasat ábden sińip qalǵan qazirgi urpaq ta bir baladan artyq tabýǵa qulyqtary joq eken. Sondyqtan Qytai úkimeti qazir kópbalaly otbasyn nasihattaityn poshta markalaryn, tipti keler dońyz jylynyń qurmetine torailary qaýmalaǵan shoshqalar beinelengen kúntizbelerdi qazirden-aq basyp shyǵarýda. Bul zań jobasy osy aptada búkilqytailyq halyqtyq jiynynda talqylaýdan ótedi. Sondai-aq onda jumys aptasyn qysqartyp, zeinet jasyn uzartý máselesi de qaralmaq, dep jazdy KTK.
Qazir aspan asty eliniń halqy 1 milliard 400 millionǵa jýyqtaǵan. Erler áielderden 30 millionǵa kóp eken.
