AQSh-taǵy Viskonsin ýniversitetiniń týý kórsetkishi boiynsha mamany I Fýsian men Pekin ýniversitetiniń ekonomisi Sý Tszian Qytai densaýlyq saqtaý jáne bala týý boiynsha memlekettik komitetiniń málimetteri negizinde zertteý júrgizgen. Nátijesinde ótken jyly Qytai halqynyń sany 1,27 million adamǵa qysqarǵany belgili boldy.
AFP munyń 70 jylda alǵash ret bolyp otyrǵanyn aitady. 2017 jylmen salystyrǵanda ótken jyly týý kórsetkishi 2,5 million sábige qysqarǵan. Ǵalymdar "Bir otbasyda — bir bala" degen demografiialyq saiasattan bas tartqannan keiin kerisinshe náresteler sany kóbeiedi dep kútken. Shamamen týý kórsetkishi 790 myń adamǵa artýy kerek edi.
I Fýsian aldaǵy ýaqytta da halyq sanynyń qysqara berýi múmkin ekenin aitady. Sebebi jyl saiyn ata-analar shyǵynnyń kóptigin eskerip, balaly bolmaýdy jón kóredi.
Ulttyq statistika biýrosy ai sońyna deiin halyq sany týraly jańa aqparat beredi. Olardyń málimeti boiynsha, 2017 jyly Aspan asty eliniń azamattarynyń sany 1,4 milliard bolǵan. Memlekette "Bir otbasyda — bir bala" demagrafiialyq saiasaty 1979-2016 jyldar aralyǵynda júrgizildi.
