Qytai qazaqtarynyń turmys-tirshiligi týraly shaǵyn teleserial «Meniń Altaiym» 7 mamyrdan bastap Qytai Ortalyq Televiziiasy CCTV-1 telearnasynda kórsetile bastaidy.
Tian-Shan portalynyń habarlaýynsha, 8 seriiadan turatyn týyndy shyńjańdyq jazýshy Li Jiýýannyń «Meniń Altaiym» shyǵarmasynan alynǵan. Basty rólderde qytailyq tanymal akter Ma Iili jáne Chjoý Iran, shyńjańdyq qandasymyz Alma jáne Qairat oinaidy.
«Meniń Altaiym» shyǵarmasy 2010 jyly jaryq kórgen. Onda jazýshy Li Jiýýannyń anasymen birge Altai aimaǵynyń qazaq aýylyndaǵy bastan keshken oqiǵalary, kórkem tabiǵat pen qazaqtardyń turmys-tirshiligi sýretteledi.
Aita keteiik, «Meniń Altaiym» teleserialy 2024 jylǵy Kann kinofestivali Uzaq dramalyq serialdardyń baiqaý bólimine usynylyp, álemdik premerasy ótken.
