Qazaqstan-qytai shekaradaǵy jaǵdai boiynsha keńes ótti. Oǵan «QTJ» UK» AQ, «Qytai temir joly», «Úrimshi temir joly» JShQ jáne QR Syrtqy ister ministrliginiń ókilderi qatysty. Bul týraly QazAqparat «Qazaqstan temir jolyna» silteme jasap habarlaidy.
«Kezdesý barysynda qytailyq tarap Qytaidan Qazaqstanda toqtap turǵan importtyq konteinerlerdi jóneltýdi jedeldetý nietin rastady. Júkterdiń jartysyn aǵymdaǵy jyly qazan aiynyń sońyna deiin jóneltýdi josparlanyp otyr. Sonymen qatar 22 qazannan bastap Qytai júk qabyldaýdy táýligine 6-dan 8 poiyzǵa deiin arttyrsa, negizinen kórshi elge metall kenderi, tústi metaldar, koks jóneltildi», - delingen kompaniia habarlamasynda.
Eske salsaq, buǵan deiin koronavirýs infektsiiasynyń taralýyna tosqaýyl qoiý maqsatynda QHR Úkimeti Dostyq-Alashankoý jáne Altynkól-Qorǵas shekaralyq ótkelderinde aldyn alý jáne baqylaý sharalaryn kúsheitti.
