"Qazaqstan temir joly" kompaniiasy Finliandiia astanasy Helsinki men Qytaidyń Hefei qalasy aralyǵynda jańa júk poiyzy júre bastaǵanyn habarlady. Júk poiyzy Qazaqstan aýmaǵy arqyly ótedi.
Jańa marshrýt boiynsha aiyna segiz júk poiyzy júredi dep josparlanǵan.
Byltyr Finliandiianyń Koývola qalasy men Qytaidyń Sian qalasy aralyǵynda alǵashqy júk poiyzy júre bastaǵan. Budan soń Qytaidyń Qazaqstan arqyly Finliandiiaǵa jáne Skandinaviia elderine tasymaldaityn taýar kólemi ulǵaia bastaǵan.
2017 jyly Qytai-Qazaqstan-Finliandiia marshrýty boiynsha 31 júk poiyzy, al biyl segiz aida 46 júk poiyzy júrgen.
