11 maýsymda Singapýrdegi UFC 275-te Maqsat Qaisar (MMA-da - 6-1, qytaisha esimi - Maheshat Haisar), amerikalyq Stiv Garsiiaǵa qarsy jekpe-jekke (MMA-da 12-4, UFC-de 1-1) shyǵady, dep habarlaidy Sputnik Qazaqstan.
Aita keteri, ol óner kórsetetin jeńil salmaqta Damir Ismaǵulov ta baq synaidy. 23 jastaǵy Qaisar byltyr qyrkúiek aiynda "Dana Ýaittyń úmitkerler shoýynda" (DWCS) jeńiske jetkennen keiin kelisimshartqa qol qoidy. Al sol jekpe-jekte ol aýtsaider bolyp sanaldy. AQSh-ta 5-ten joǵary koeffitsient berildi.
Qaisar - DWCS shoýynyń Qytaidan kelgen alǵashqy jeńimpazy. Dana Ýait jańadan shyqqan esimge tánti bolyp: "Ol jas, oǵan jumys isteý kerek, biraq onyń bolashaǵy zor. Ol - erekshe", - dedi.
DWCS jekpe-jeginen keiingi suhbatty Qaisar qazaq tilinde aiaqtady.
