Koronavirýs taraǵan Ýhan qalasyndaǵy ýniversitettiń ǵalymdary emdelip shyqqan adamdar ómir boiy osy aýrýdyń zardabyn tartýy múmkin ekenin aitty.
Mamandardyń sózinshe, koronavirýstyq infektsiia adamnyń ókpe tini men immýndy júiesin zaqymdaidy, dep habarlaidy "Argýmenty nedeli" basylymy.
Bul degenimiz, koronavirýstan emdelgen adamnyń densaýlyǵy bolashaqta da syr berýi múmkin. Chjýnnan aýrýhanasynyń qyzmetkeri Pen Chjiiýn aýrýdan aiyqqan patsient ómir boiy demikpeden zardap shegetinin túsindirdi.
"COVID-19 virýsynyń organizmge áseri ORVI men SPID-tiń kombinatsiiasyna uqsaidy. Óitkeni ol ókpege de, immýndy júiege de zaqym keltiredi", - dep atap ótti dáriger.
Ol aýrýdyń erte satysynda, eń aldymen, ókpeni qorǵaý kerek ekenin aitty.
Koronavirýstyń taralýy
2019 jyldyń 31 jeltoqsanynda Qytai biligi Dúniejúzilik densaýlyq saqtaý uiymyna Hýbei provintsiiasynyń Ýhan qalasynda belgisiz pnevmoniia taralyp jatqany týraly habarlady.
Sarapshylar indettiń qozdyrǵyshyn anyqtady – 2019-nCoV koronavirýsy.
Sońǵy derek boiynsha, álemde koronavirýs juqtyrǵandar sany 110 034 adamdy qurap otyr, infektsiia 100-den astam elge jetti.
Qazaqstan aqpan aiynyń basynda Qytaimen barlyq jolaýshylar tasymaly qatynasyn toqtatty.
Qazaqstannyń bas memlekettik sanitarlyq dárigeri COVID-19 virýsynyń taralýy boiynsha qaýipti elder tizimine ózgeris engizdi.
Endi 1 "a" sanatyna Qytai, Iran jáne Ońtústik Koreia, al 1 "b" sanatyna Italiia kiredi. Ekinshi sanatta – Ispaniia men Germaniia.
Eń kóp el úshinshi sanatqa enip otyr. Olar: Japoniia, Tailand, BAÁ, Frantsiia, Shvetsiia, Malaiziia, AQSh, Singapýr, Kýveit, Bahrein, Irak, Ulybritaniia, Shveitsariia, QHR Gonkong AÁA.
