Almatyda koronavirýspen kúres tásilderin úiretý úshin Qytaidan kelgen delegatsiianyń onlain treningin 700-ge jýyq meditsina qyzmetkeri tyńdady, dep habarlaidy "Ult aqparat".
Qytailyq dárigerlerdiń koronavirýs týraly onlain sabaǵyna qatysý - tegin. Bul sabaqtar tek qazaqstandyq qana emes, sheteldik mamandardyń da qyzyǵýshylyǵyn týdyryp otyr.
Búgin seminarǵa Ózbekstannan Samarqan men Buharanyń dárigerleri de qatysty.
«Eń aldymen osyndai kezdesý týraly ýaǵdalastyqqa qol jetkizgen Memleket basshysy Qasym-Jomart Toqaevqa alǵys aitamyn. Buryn-sońdy kórmegen infektsiiamen kúreste bul mamandardyń kelýi bizdiń mindetterimizdi aiqyndady. Eń aldymen meditsina mamandary bul virýspen kúresýde bilimin keńeitkeni jón. Sabaqqa qatysqan dárigerlerdiń saýaly óte kóp. Qytai bul virýsty az ýaqytta toqtata bildi. Sondyqtan olardyń tájiribesi, bilimi biz úshin mańyzdy», - dedi S.Asfendiiarov atyndaǵy Qazaq Ulttyq meditsinalyq ýniversitetiniń rektory Talǵat Nurǵojin.
Sabaqtar tek emdeý men diagnostika salasyna ǵana qatysty bolǵan joq. Sonymen qatar, Shyńjań okrýgindegi dostyq gospitaliniń aǵa medbikesi Iu Iansia infektsiialyq statsionardy zararasyzdandyrý tásilderimen bólisti.
«Oqshaýlaýdyń basty sharty - «1 naýqas – 1 palata». Biz aýrýhanalardy 3 tipke bóldik. Jasyl - taza aimaq, sary - jartylai taza aimaq, qyzyl - juqtyrý aimaǵy. Bul aimaqtardyń árqaisysyn ózinshe tazalaitynbyz. Orta eseppen kúnine 2 ret zararsyzdandyratynbyz. Aýany, qabyrǵalardy, eden men qural-jabdyqtardy dezinfektsiialadyq. Tolyq zararsyzdandyrýǵa 30 minýt ýaqyt ketedi. Dezinfektsiiadan shyqqan soń barlyq materialdar joiylady», - dedi aǵa medbike Iu Iansia.
Sonymen qatar ol qorǵanys kostiýmderin kiiý, maska taǵý, qoldy qalai jýý kerektigin kórsetti.
Aita ketý kerek, búgin Almatyǵa Qytaidan 10 maman Covid-19-ben kúres týraly bilimimen bólisýge keldi. Delegatsiia quramynda infektsionist, epidemiolog, pýlmonolog jáne basqa da mamandar bar.
