Aldaǵy Beijińde ótetin qysqy Olimpiada oiyndary kezinde biz sheteldik azamattarǵa tsifrlyq iýange qol jetkizýdi qamtamasyz etemiz. Boao aziialyq forýmyndaǵy sessiialardyń birinde Qytai Halyq banki (QUB, Ortalyq bank) basshysynyń orynbasary Li Bo osyndai málimdeme jasady, dep habarlaidy QazAqparat.
«Biz tsifrlyq iýandi paidalanýdyń pilottyq jobalary úshin kóbirek stsenarii men kóptegen qalany qarastyramyz. Beijińdegi qysqy Olimpiada oiyndary kezinde biz oǵan shetel azamattarynyń qol jetkizýin qamtamasyz etemiz», - dep atap ótti Li Bo.
«Tsifrlyq iýandy ilgeriletý áreketteri ishki paidalanýǵa baǵyttalǵan. Sandyq iýandy internatsionaldandyrý týraly aitatyn bolsaq, biz bul tabiǵi protsess ekenin jáne bizdiń maqsatymyz basqa halyqaralyq valiýtalardy almastyrý emes ekenin birneshe ret aitqan bolatynbyz. Bizdiń maqsatymyz – naryqqa tańdaý jasaýǵa múmkindik berý», - dedi ol.
Sondai-aq Li Bo Qytai tsifrlyq iýan men ekojúieniń infraqurylymyn, onyń ishinde tehnologiiany odan ári damytyp, qaýipsizdik pen senimdilikti arttyryp, ony qoldaný úshin tiisti normativtik-quqyqtyq bazany jasaýy kerek ekenin habarlady.
Onyń aitýynsha, tsifrlyq iýandi odan ári internatsionaldandyrý turǵysynan Qytai halyqaralyq seriktestermen transshekaralyq tólemder boiynsha uzaq merzimdi sheshim jasaý úshin jumys isteitin bolady.
Ótken jyldyń qazan aiynan bastap Qytaidyń Ortalyq banki eldiń birneshe aimaǵynda, atap aitqanda Beijiń, Shenchjen, Sýchjoý jáne Chendý qalalarynda tsifrlyq iýandy synaqtan ótkizdi.
Eske sala keteiik, Beijińdegi qysqy Olimpiada oiyndary 2022 jyldyń 4-22 aqpan aralyǵynda ótedi.
