Aldaǵy bes jyl ishinde Qytai biligi zeinetke shyǵý jasyn birtindep kóbeitýdi josparlap otyr. Bul týraly juma kúni ashylǵan 13-shaqyrylymnyń halyq ókilderi jalpyqytailyq jiynynyń 4-sessiiasy depýtattarynyń qaraýynda jatqan úkimettiń baiandamasynda aitylǵan, dep habarlaidy QazAqparat.
«Halyqtyń qartaiýyna nazar aýdartatyn memlekettik strategiiany iske asyrý, qart adamdar men jas balalarǵa basymdyq bere otyryp, demografiialyq damý qyzmetteriniń júiesin jetildirý, bala týýdyń qalypty deńgeiine qol jetkizýge járdemdesý, zańda belgilengen zeinetaqy jasyn birtindep arttyrý», - delingen baiandamada.
Qurlyqtyq Qytai turǵyndarynyń sany 2019 jyldyń sońynda 1,4 mlrd adamnan asqanymen, Ulttyq statistika biýrosynyń málimetinshe, QHR-daǵy bala týý koeffitsienti tómengi shektik mánnen 1.5-ke tómendep ketken.
Qazirgi ýaqytta Qytaida ortasha zeinetke shyǵý jasy 55-ten tómen.
QHR-nyń «mi ortalyqtarynyń» boljamyna sáikes, 65 jastan asqan qart adamdar 2035 jylǵa qarai Qytai halqynyń jalpy sanynyń 21%-yn jáne 2046 jylǵa qarai 25%-yn quraidy. Aldaǵy 30 jylda Qytaidyń egde jastaǵy halqy 193 million adamǵa artady, al eńbekke qabiletti halyq, eldegi týý deńgeiiniń tómendigine bailanysty, 176 million adamǵa azaiady. Bul úrdis zeinetaqy júiesine kúsh túsiredi jáne eger qazirgi zeinetaqy jasyn ózgertpese, zeinetaqy qorynyń daǵdarysyna alyp kelýi múmkin.
QHR Qoǵamdyq qaýipsizdik ministrliginiń biyl aqpanda jariialaǵan málimetterine sáikes, 2020 jyly Qytaidaǵy bala týý deńgeii byltyrǵy jylmen salystyrǵanda 15%-ǵa tómendegen.
Statistika biýrosynyń dereginshe, besinshi jyl qatarynan týý deńgeii tómendep jatyr.
Eske sala ketsek, Qytaida 1978 jyldan beri jumys istep kele jatqan «bir otbasy-bir bala» degen atpen tanymal bala týýdy shekteitin saiasat 2016 jyly toqtatyldy.
