Qazaqstan Qorǵanys ministrligi el aýmaǵy arqyly Qytai áskeri tehnikalary Resei poligonynda ótetin Shanhai yntymaqtastyq uiymy (ShYU) elderiniń terrorizmge qarsy jattyǵýyna qatysýǵa bara jatqanyn habarlady.
Ministrlik baspasóz qyzmetiniń habarlamasynda Qytai áskeri tehnikalary Dostyq-Aqtoǵai-Aiagóz-Aýyl-Lokot marshrýty arqyly Reseidiń Cheliabinsk oblysyndaǵy Chebarkýl poligonyna ketip bara jatqany aitylady. Resmi aqparatta Qytai áskeri tehnikalaryn "Shyǵys" aimaqtyq qolbasshylyǵy qaraýylmen alyp júretini aitylǵan.
Qorǵanys ministrliginiń aqparatyna qaraǵanda, "Beibit missiia" dep atalatyn jattyǵýǵa ShYU elderi - Qazaqstan, Qyrǵyzstan, Qytai, Pákistan, Resei, Tájikstan, Ózbekstan jáne Úndistannyń úsh myńnan astam áskeri qyzmetkeri men 500-den astam qarý-jaraq jáne tehnika qatysady.
Qazaqstan qorǵanys ministrligi sonymen qatar Qazaqstan qarýly kúshteriniń áskeri eshelondary jattyǵýǵa 18 tamyz kúni attanatynyn habarlady.
