QHR SIM resmi ókili Lý Kan Pekinniń Vashingtonnan sýverenitet normalaryn buzatyn jáne Qytai ulttyq qaýipsizdigine nuqsan keltiretin arandatý áreketterin toqtatýdy suraitynyn málimdedi, dep habarlaidy sputniknews.kz RIA Novosti agenttigine silteme jasap.
Budan buryn Qytai qorǵanys ministrligi habarlaǵandai, USS Higgins esminetsi men USS Antietam zymyranmen qarýlanǵan kreiseri jeksenbi kúni Ońtústik Qytai teńizindegi daýly Parasel araldarynan 12 mil qashyqtyqqa ótken.
"Qytai osy áreketterge bailanysty amerikalyq tarapqa qatań narazylyǵyn bildiredi. Biz amerikalyq taraptan sýverenitet normalaryn buzyp, Qytai ulttyq qaýipsizdigine nuqsan keltiretin mundai arandatý árekettterdi toqtatýdy talap etemiz", — delingen Lý Kannyń málimdemesinde.
Qytaidyń syrtqy saiasat vedomstvosy ókili atap ótkendei, QHR óziniń sývereniteti men qaýipsizdigin qorǵaýda tiisti sharalardy atqarýdy jalǵastyratyn bolady.
