17 qańtar kúni aq Olimpiada oiyndaryna arnalǵan barlyq irikteý jáne reitingilik dodalar aiaqtalyp, litsenziialardyń basym bóligi úlestirildi. Nátijesinde Qazaqstandyq atletter sporttyń 8 túrinen 82 joldama aldy, dep habarlaidy QazAqparat.
QR Ulttyq olimpiada komitetinen málim etkendei, shańǵy jarysy boiynsha qorjynda 30 joldama bar. Fristailshylar toǵyz joldamaǵa ie bolǵan. Sonyń ishinde mogýl boiynsha – 5, akrobatika boiynsha 4 joldama bar. Konkishiler men biatlonshylar – 12, short-trekshiler 9 joldamany qorjynǵa saldy. Taý shańǵysy men shańǵymen tuǵyrdan sekirý sportynan el quramalary 4 joldamadan enshilese, shańǵy qossaiysynan otandyq sportshylar eki litsenziiaǵa ie boldy.
Búgingi tańda olimpiadalyq qurama sapyna 32 sportshy endi. Aita keterligi, bul sportshylardyń sońǵy ári naqty sany emes. Sebebi UOK keibir sport túrlerinen halyqaralyq federatsiialardyń litsenziialardy qaita bólý, úlestirý nátijelerin kútýde. Atap aitqanda, biatlon, shańǵy jarysy, mogýl jáne akrobatikadan taǵy da joldamalar úlestirilýi múmkin. Olimpiada oiyndaryna qatysatyn sportshylardyń sońǵy ári naqty tizimi 20 qańtardan keiin belgili bolady.
Búgin, 18 qańtar kúni Mádeniet jáne sport ministri Dáýren Abaev XXIV qysqy Olimpiada oiyndarynyń daiyndyǵy jaiynda jiyn ótkizdi. Ministr Olimpiada oiyndarynda ulttyq qurama aldynda turǵan birqatar mindetterge toqtaldy.
«El úshin qazirgi qiyn jaǵdaida, sonyń ishinde koronavirýs infektsiiasynyń kóbeiýi kezinde biz sportshylarymyzǵa aldaǵy Olimpiadada dopingisiz, janjalsyz, laiyqty óner kórsetý mindetin qoidyq. Árine, árbir sportshy jetistiktiń shyńy sanalǵan Olimpiada medaline umtylady. Al biz olimpiadashylarymyzdyń kez kelgen jetistigine qýanamyz. Bul úshin memleket qoldan kelgenniń barlyǵyn jasap, sportshylardy daiyndaý, sapaly jattyǵý, oqý-jattyǵý jiyndary jáne irikteý jarystaryna qatysý qarjylandyryldy», - dedi Mádeniet jáne sport ministri.
«Búgingi kúnniń basty mindeti – sportshylar men jattyqtyrýshylar densaýlyǵy men qaýipsizdigin saqtaý. Olardyń kópshiligi, iaǵni irikteý týrnirlerin aiaqtaǵandar sońǵy apta boiy jabyq karantindik aimaqtarda ornalasty. Onda daiyndyqtyń sońǵy kezeńi júrip jatyr. Álemdik dodalar aiaqtalǵan soń Beijińge ushpas buryn sportshylar karantinde ýaqyt ótkizedi», - deidi UOK bas hatshysy Andrei Kriýkov.
Oiyn kezinde Olimpiada aýylynyń turǵyndarynan kún saiyn PTR-test alynyp, densaýlyǵy tekseriledi, jazdaǵy Tokio Olimpiadasynyń úlgisi boiynsha qatysýshylardyń ornalasqan jeri arnaiy telefon qosymshasy arqyly baqylanady.
Qazaqstan quramasy 27 qańtar kúni «Air Astana» charterlik reisimen Nur-Sultannan Almaty arqyly Beijińge attanady. Aita keterligi, Qazaqstan quramasynyń olimpiadalyq formasynyń tanystyrylymy 20 qańtarǵa josparlanǵan.
Qysqy Olimpiada oiyndary 4 aqpan kúni bastalady jáne 109 medal jiyntyǵy sarapqa salynady.
