Foto: Vecher.kz
Qysqy maýsymnyń bastalýymen taý shańǵy kýrorttarynda demalýǵa degen qyzyǵýshylyq arta túsedi. Búginde óńirlerde týristerge shańǵy, snoýbord jáne basqa da qysqy belsendi demalys túrlerine arnalǵan 13 oryn jumys isteidi, dep habarlaidy Ult.kz QR Týrizm jáne sport ministrligine silteme jasap.
Almaty qalasynyń mańy
Shymbulak – elimizdegi eń tanymal taý shańǵy kýrorttarynyń biri. Munda jalpy uzyndyǵy 20 shaqyrymǵa jetetin ártúrli deńgeidegi trassalar, aspaly joldar jáne jalǵa berý pýnktteri bar. 2023 jyly álemdegi eń biik túngi taý shańǵy trassasy retinde Ginnestiń rekordtar kitabyna engen.
Qosymsha múmkindikter: ziplain, atpen serýendeý, paraplanmen ushý, konki tebý.
Pioneer otbasylyq taý kýrorty – ulttyq park aýmaǵynda, 2000 metrden joǵary biiktikte ornalasqan. Trassalardyń jalpy uzyndyǵy – 3 000 metr. Áýesqoilarǵa da, tájiribeli sportshylarǵa da qolaily. Kýrort jyl boiy jumys isteidi. Munda tabiǵi marshrýttar, otbasylyq baǵdarlamalar, qural-jabdyqtardy jalǵa alý qyzmeti bar.
Almaty oblysy
Oi-Qaragai – tórt maýsymdyq otbasylyq taý kýrorty. Munda jalpy uzyndyǵy 28 shaqyrymdy quraityn 15 trassa bar. Aýmaǵynda meiramhanalar, qonaq úiler jáne oiyn-saýyq alańdary jumys isteidi.
Qosymsha: arqandy park, at sporty ortalyǵy, sadaq atý, peintbol, ekskýrsiialar.
«Aq Bulaq» – biik taýly aimaqta ornalasqan, ártúrli daiyndyq deńgeiine arnalǵan trassalar men friraid baǵyttaryn usynady. Trassalardyń uzyndyǵy 2 500 metrge deiin jetedi.
Qosymsha: saýyqtyrý baǵdarlamalary, kvadrotsiklder.
Aqmola oblysy
Orman Ski Resort (Shýche-Býrabai kýrortty óńiri) – jalpy uzyndyǵy 380 metrge jetetin ártúrli kúrdeli trassalar, kótergishter, keshki jaryqtandyrý, jalǵa berý pýnkti jáne nusqaýshylar mektebi bar keshen.
Belsendi demalys túrleri: shańǵy, snoýbord, tiýbing, qarda júretin kólikter, shanamen syrǵanaý, qaraǵaily ormanda serýendeý.
Elikti Park – Kókshetaý qalasynan 25 shaqyrym jerdegi Zerendi aýdanynda ornalasqan. Uzyndyǵy 4 shaqyrymǵa jetetin trassalar, býgeldi jáne oryndyqty kótergishter, jabdyqtardy jalǵa berý qyzmeti bar.
Belsendilikter: taý shańǵysy, snoýbord, tiýbing, konki tebý, taza aýadaǵy serýen.
«Nurtaý» bazasy (Shýche-Býrabai kýrortty óńiri). Munda uzyndyǵy 800 metrlik trassa, aspaly jol jáne tiýbingke arnalǵan syrǵanaq tóbeshikter bar.
Shyǵys Qazaqstan oblysy
Óńirde 4 taý shańǵy orny jumys isteidi.
«Altai Alpisi» – Óskemen qalasynan 24 shaqyrym jerde ornalasqan kýrort. Munda uzyndyǵy 4 500 metrge deiin jetetin 12 eńis bar. Maýsym qarashadan sáýirge deiin jalǵasady.
Qosymsha: nusqaýshylar qyzmeti, jabdyqtardy jalǵa alý, pantamen emdeý, monsha, balyq aýlaý, atpen serýendeý, arqandy park.
«Nurtaý» – oblys ortalyǵynan 35 shaqyrym jerde ornalasqan. Qonaqtarǵa eki negizgi jáne bir eńisi bar. Sondai-aq friraid aimaqtar men oryndyqtar jumys isteidi. Trassalardyń uzyndyǵy – shamamen 2 000 metr. Aýmaqta kottedj qalashyqtary men balalarǵa arnalǵan ortalyq bar.
Qosymsha: tiýbing, monsha, ot jaǵý alańy, qarda júretin kóliktermen ekskýrsiialar.
Ridder qalasynyń mańy
Stardust Camp – Joǵary-Hairýzovka aýylynda ornalasqan. Uzyndyǵy 1 000 metrlik býgeldi kótergish, tiýbing, qonaq úi men glempingte ornalastyrý múmkindigi bar.
«Edelveis» – ártúrli deńgeidegi trassalar, onyń ishinde slalomǵa arnalǵan sertifikattalǵan baǵyttar bar. Jalpy uzyndyǵy – shamamen 1 300 metr.
Qosymsha: taýly joryqtar, konki tebý.
Túrkistan oblysy
«Alataý» tórt maýsymdyq kýrorty – Tólebi aýdany Nysanbek aýylynda ornalasqan. Qysta shańǵy, snoýbord, tiýbing jáne qarda júretin kólikter qoljetimdi. Trassalardyń jalpy uzyndyǵy – 1 800 metr.
Qosymsha: qarda serýendeý, atpen serýendeý, otbasylyq baǵdarlamalar.
Pavlodar oblysy
«Myrzashoqy» taý shańǵysy bazasy – Qarajar aýylynyń mańynda ornalasqan. Uzyndyǵy 960 metr bolatyn shańǵy trassalary men aspaly jol bar. Bazada túneý qarastyrylmaǵan.
Qosymsha: tiýbing, taza aýada serýendeý, qarda júretin kólikter, qysqy piknikter men ekskýrsiialar.
Týrizm jáne sport ministrligi qysqy týrizm salasyndaǵy ulttyq standarttardyń tizbesin jergilikti atqarýshy organdarǵa joldady. Sonymen qatar qysqy maýsymda ýákiletti memlekettik organdarmen birlesip profilaktikalyq is-sharalar ótkizilip, kóshpeli monitoringtik tekserýler josparlanǵan.
Tekserý barysynda taý shańǵysy trassalary men kótergishterdiń jaǵdaiy, qaýipsizdik jáne sanitarlyq talaptardyń saqtalýy, sondai-aq týristik infraqurylymnyń ulttyq standarttarǵa sáikestigi baǵalanyp, demalýshylardyń qaýipsizdigi men jailylyǵy qamtamasyz etiledi.
