Qazaqstan Respýblikasynyń Memlekettik hatshysy Qyrymbek Kósherbaev bastaǵan delegatsiia Semei poligonynyń jabylý kúnine orai Shyǵys Qazaqstan oblysynda bolyp, Semei qalasyndaǵy iadrolyq synaqtyń qurbandaryna arnalǵan Monýmentke gúl shoqtaryn qoidy, dep habarlaidy Aqordanyń baspasóz qyzmeti.
Delegatsiia quramynda Mádeniet jáne sport ministri Aqtoty Raiymqulova, Jazýshylar odaǵynyń tóraǵasy Ulyqbek Esdáýlet jáne basqa da azamattar bar.
Iadrolyq synaqtyń qurbandaryna arnalǵan Monýmentke gúl shoqtaryn qoiý rásiminde Memlekettik hatshy jarty ǵasyrdan astam ýaqyt ótkizilip kelgen iadrolyq jarylystardy tolyqqandy toqtatyp, poligondy jabý burynǵy Keńester odaǵy basshylyǵynyń qarsylyǵyna qaramastan Qazaqstan Respýblikasynyń Tuńǵysh Prezidenti – Elbasy Nursultan Nazarbaevtyń patriottyq, ultjandy tarihi sheshimi semeilikterdiń ǵana emes, búkil qazaq halqynyń, qazaqstandyqtardyń, dúniejúzindegi progressivti adamzattyń qoldaýyna ie bolǵanyn atap ótti.
Memlekettik hatshy Prezident Qasym-Jomart Toqaevtyń Semei iadrolyq synaq poligonynyń jabylýynyń ataýly kúnine orai qazaqstandyqtarǵa arnaǵan Úndeýin jariialady.
Odan ári Memlekettik hatshy bastaǵan delegatsiia jáne Abai Qunanbaiulynyń 175 jyldyǵyn daiyndaý jáne ótkizý jónindegi memlekettik komissiianyń bir top músheleri Semei qalasyndaǵy Abai eskertkishine gúl shoqtaryn qoidy, «Qaraǵaily» shaǵyn aýdanynyń, kópbeiindi mádeni-sporttyq kesheniniń qurylys barysymen, Abai atyndaǵy alańdy, Abai atyndaǵy teatrdy qaita qalypyna keltirý, Abai atyndaǵy mýzeidi qaita jańǵyrtý jumystarymen tanysty. Budan keiin Abai aýdanynda bolyp, el Prezidenti Q.K.Toqaevtyń Abai Qunanbaiulynyń 175 jyldyǵyna orai bergen tapsyrmasyna sáikes qalypqa keltirilgen Syrt-Qasqabulaqtaǵy, Jidebaidaǵy tarihi nysandardy aralap kórdi.
