Bilim jáne ǵylym ministri Ashat Aimaǵambetov joǵary oqý oryndaryndaǵy professorlyq-oqytýshylyq quramnyń jalaqysyn ósirý máselesin kóterdi. Aitýynsha, bul másele jańa oqy jylynyń birinshi qyrkúieginde óz sheshimin tabady. Ministr bilim jáne ǵylym ministrligi apparatynda osyndai tapsyrma berdi. Bul týraly «Ult» portaly habarlaidy.
Ministrdiń aitýynsha, bul máseleni ulttyq keńes otyrysynda memleket basshysynyń ózi kóterdi. Joǵary oqý oryndarynyń jalaqysyn kóterý týraly naqyt tapsyrma berdi. Endi ministrlikke baǵynyshty oqý oryndarynda jumys isteitin oqytýshylardyń jalaqysy ósedi.
"Oqytýshylarynyń eńbekaqysyn ósirý máselesin birinshi qyrkúiekten bastap sheshýimiz kerek. Bul jaidan jai kóterilip otyrǵan másele emes. Osyǵan bailanysty tiisti taldaý jumystary júrgizildi. Tolyq múmkindik bar", - dedi Aimaǵambetov.
Sonymen qatar ministr professorlyq-oqytýshylyq quramnyń eńbekaqysyn kóterýge prezidenttiń erekshe kóńil bólip otyrǵanyn aitty. Bul másele 2011 jyldan beri kóterilip keledi. Al biyl stýdentter shákirtaqysynyń ósýi bul máseleniń óz sheshimin tabýǵa septigin tigizedi. Sondai-aq, oqý oryndarynyń materialdyq-tehnikalyq bazalaryn nyǵaitýǵa múmkindik beredi.
Bilim jáne ǵylym ministrligi joǵary jáne joǵary oqý ornynan keiingi bilim departamentiniń direktory Ádilet Toibaev ministrge osy másele boiynsha taldaý júrgizilgenin, oqytýshylardyń eńbekaqysyn arttyrý máselesi qaralyp jatqanyn jetkizdi.
Departament málimetine sáikes, 2019-2020 oqý jylynda 2018-2019 oqý jylymen salystyrǵanda oqytýshylardyń eńbekaqysy ortasha eseppen 20%-ke ósti. Al jańa oqý jylynda ótken jylmen salystyrǵanda jalaqy 32%-ke kóbeiedi dep josparlanyp otyr.
Sonymen qatar jańa oqý jylynda koronavirýs pandemiiasyna bailanysty oqý oryndarynda oqý baǵasyn ósirmeý máselesi kóterildi. Sonymen qatar ministr Aimaǵambetov ýniversitetter basshylyǵyna oqý aqshasyn kótermei, qaryzy bar stýdentterge bólip tóleý múmkindigin berýdi surady.
Ministr pandemiia saldarynan stýdentterdiń oqýǵa ýaqytyly kelýinde másele bar ekenin jáne qazirgi ekonomikalyq ahýaldy eskere otyryp, oqý oryndarynan qoldaý kórsetilý qajet ekenin alǵa tartty.
Eń aldymen qaryzy bar bilimgerlerge bólip tólek múmkindigin berý kerek, osyǵan bailanysty taldaý jumystary júrgizilgenin, nátijesinde stýdentter arasynda osyndai máseleniń bar ekeni anyqtalǵan. Oqý baǵasyn kótergeli jatqan ýniversitetterge ol jospardy keiinge qaldyrýdy usyndy.
Aita keteiik, bilim jáne ǵylym ministrligi joǵary oqý ornyn qoldaýǵa bailanysty keshendi baǵdarlama ázirlep jatyr. Ol jerde qarjy máselesimen qatar, bilim salasyndaǵy reformalar, ýniversitetterdiń básekege qabilettiligin arttyrý máselesi qaralady.
Pedagogtar jalaqysyn kóterýmen qatar ýniversitettegi doktoranttardyń da shákirtaqysy kóbeietin boldy. Bul jaiynda memleket basshysy habarlaǵan bolatyn.
Prezident ǵylymi jetekshi ortalyqtarǵa doktorantýradan keiingi izdenis úshin arnaiy memlekettik tapsyrys berý qajet ekenin aitty. Sondai-aq, doktoranttardyń shákirtaqysyn 150 myń teńgege jetkizýdi tapsyrdy. Oǵan doktoranttardyń otbasyly ekenin, ǵylym jolynda bir shákirtaqymen ómir súretinin alǵa tartty.
Aita keteiik, 2020 jyly stýdenttediń shákirtaqysy 25%-ke artty. Al pedagog mamandardyń stipendiiasy basqa mamandyqqa qaraǵanda kóp bolady. Keleshekte pedagog mamandyǵyna tapsyrǵan bilimgerler bakalavr deńgeiinde 42 myń teńge shákirtaqy alady. Bul da pedagog mártebesin arttyrý aiasynda jasalyp jatyr.
