Ulttyq banktiń aqsha-kredit saiasaty departamenti direktorynyń orynbasary Denis Cherniavskii 2020 jylǵy qyrkúiektegi infliatsiiaǵa túsinikteme berdi.
Naqty jyldyq infliatsiia 7,0% deńgeiinde turaqtanǵan kezde infliatsiialyq kútýler qyrkúiekte 6,5-ǵa deiin (2020 jylǵy tamyz – 6,9%) tómendedi.
Sonymen qatar qabyldanatyn jáne kútiletin baǵanyń ósýin baǵalaýlar azaidy. Máselen, baǵanyń ósýin atap ótken respondentterdiń arasynda bir jyldyq bolashaqta kútiletin infliatsiiany mediandyq baǵalaý 16,6% (2020 jylǵy tamyz – 17,7%) deiin, al qabyldanatyn infliatsiianiki – 18,1% (20,7 % ) deiin tómendedi.
2020 jylǵy qyrkúiekte ótken 12 aida baǵanyń meiilinshe tez óskenin atap ótken respondentterdiń úlesi 62%-ǵa deiin (tamyzda – 65%) tómendedi. Ótken aidaǵy baǵalar serpinin baǵalaýlarda baǵalardyń óte joǵary ósýin atap ótken respondentterdiń úlesi
38%-ǵa deiin (shildede – 49%, tamyzda – 41%) tómendedi.
Tamyzben salystyrǵanda qyrkúiekte respondentterdiń az bóligi tamaq ónimderi baǵasynyń, kópshiligi – azyq-túlikke jatpaityn taýarlar pen qyzmetter baǵasynyń óskenin atap ótti. Respondentter tamaq ónimderiniń qurylymynda et jáne taýyq, jemister men kókónister, sút ónimderi baǵasynyń óskenin atap ótýdi jalǵastyrdy, bul rette olardyń úlesi tamyzben salystyrǵanda tómendedi. Nan-toqash ónimderi baǵasynyń óskenin atap ótken respondentterdiń úlesi artty.
Azyq-túlikke jatpaityn taýarlardyń qurylymynda turmystyq tehnika men keńse taýalaryna baǵanyń ósýin atap ótken respondentterdiń úlesi ósti. Qyzmetter boiynsha TKSh salasynda tarifterdiń, sondai-aq turmystyq qyzmetter (shashtaraz, atele jáne t.b.) qunynyń óskeni atap ótildi.
Aǵymdaǵy jáne bolashaq materialdyq jaǵdaidy baǵalaýlar shilde-tamyzben salystyrǵanda azdap teris boldy. Jalaqy alýshylardyń úlesi qalpyna kelýde, respondentterdiń iri satyp alýlarǵa daiyndyǵy artty. 2020 jylǵy qyrkúiekte jinaq aqshasy bar respondentterdiń úlesi tómendedi. Bul rette jinaq aqshanyń kóp bóliginiń banktik depozit túrinde saqtalýy jalǵasýda
Damý perspektivalaryn qysqamerzimdi jáne uzaqmerzimdi baǵalaý meilinshe oń boldy.
