Qazaqstanda qyrkúiekte 900-ge jýyq sheteldik turýǵa yqtiiarhat alý úshin júgingen. Bul týraly IIM Kóshi-qon komiteti tóraǵasynyń mindetin atqarýshy politsiia polkovnigi Aslan Atalyqov málimdedi, - dep habarlaidy Massaget.kz.
Onyń aitýynsha, Qazaqstanda turaqty turýǵa ruqsat alý úshin kez kelgen sheteldik ótinish bere alady.
"1-24 qyrkúiek aralyǵynda turýǵa ruqsat alý úshin 896 sheteldik ótinish bildirdi, onyń ishinde 115 adam - Resei azamaty. Turaqty turýǵa ruqsat alý úshin Qazaqstanǵa zańdy negizde kelgen kez kelgen sheteldik, onyń ishinde Resei Federatsiiasynan da ótinish bere alady. Sheteldik elge zańsyz kelse, onda turýǵa ruqsat alý týraly sóz qozǵalmaidy. Turaqty turýǵa ruqsat berýden bas tartylatyn jaǵdaidyń barlyq sharty "Halyqtyń kóshi-qony týraly" zańnyń 49-babynda kórsetilgen", - dedi Atalyqov onlain-brifing barysynda.
Eske salaiyq, buǵan deiin reseilikter kelýine bailanysty Qazaqstan biliginiń reaktsiiasy týraly material jariialanǵan bolatyn.
