«Qazgidromet» RMK Qazaqstan aýmaǵynda qyrkúiek aiynda kútiletin aýa raiy boljamyn usyndy, dep habarlaidy "Ult aqparat".
Biyl qyrkúiek aiynda respýblikanyń basym bóliginde ortasha aýa temperatýrasy normadan 1°S joǵary bolady. Soltústik Qazaqstan, Aqmola, Pavlodar oblystarynda, Qostanai, Qaraǵandy, Shyǵys Qazaqstan, Almaty oblystarynyń basym bóliginde – norma shamasynda, Shyǵys Qazaqstan, Almaty oblystarynyń taýly jáne taý bókterindegi aýdandarda – normadan 1°S-qa tómen bolady dep kútiledi.
Kópjyldyq derekterge súiensek, Qazaqstan aýmaǵynyń kóp bóliginde aidyń birinshi jartysynda-aq úsik júrýi múmkin, ońtústik oblystarda – aidyń sońynda bolýy yqtimal. Alaida, konsýltativtik boljamǵa sáikes, úsik soltústik óńirlerde qyrkúiek aiynyń ekinshi onkúndiginde - 5 gradýsqa deiin, al ońtústik óńirlerde – úshinshi onkúndikte kútiledi.
Qyrkúiek aiynda jaýyn-shashyn mólsheri tamyz aiymen salystyrǵanda az bolady. Jaýyn-shashynnyń jiiligi azaiady, biraq jaýý uzaqtyǵy artady.
El óńirlerinde jaýyn-shashynnyń taralýy birkelki bolmaidy. Onyń mólsheri respýblikanyń basym bóliginde – norma shamasynda. Soltústik Qazaqstan, Pavlodar, Aqmola, Shyǵys Qazaqstan oblystarynyń basym bóliginde, Qostanai oblysynyń soltústiginde, Almaty oblysynyń ońtústik-shyǵysynda, Jambyl, Túrkistan oblystarynyń taýly jáne taý bókterindegi aýdandarda – normadan kóp, Mańǵystaý, Aqtóbe, Qyzylorda oblystarynda, Qaraǵandy oblysynyń batysynda normadan az bolady dep kútiledi.
Kúzdiń basynda Qazaqstan aýmaǵynda jazǵy ystyq aýa raiy saqtalady. 3-6 qyrkúiekte belsendi tsiklonnyń yqpalymen respýblikanyń basym bóliginde aýa massalarynyń yǵysýy, jeldiń 15-25 m/s deiin kúsheiýi jáne jańbyr kútiledi. Eldiń shyǵysy men ońtústik-shyǵysynda kei jerlerde kúshti jańbyr jaýýy múmkin.
Aýa temperatýrasynyń tómendeýi birinshi onkúndiktiń ortasynda kútiledi:
Eldiń batysynda túnde +15+20°S-tan +7+15°S-qa deiin, kúndiz +27+38°S-tan +20+27°S-qa deiin;
elimizdiń soltústik-batysynda túnde +12+17°S-tan +2+10°S-qa deiin, kúndiz +28+35°S-tan +14+25°S-qa deiin.
respýblikanyń soltústigi men ortalyǵynda túnde +10+18°S-tan +2+10°S-qa deiin, kúndiz +25+30°S-tan +10+20°S-qa deiin.
Onkúndiktiń ekinshi jartysynda aýa temperatýrasynyń tómendeýi QR-nyń ońtústiginde, ońtústik-shyǵysynda, túnde +13+22°S-tan +7+15°S-qa deiin, kúndiz +30+36°S-tan +21+28°S-qa deiin boljanady.
Onkúndiktiń sońynda aýa temperatýrasy Qazaqstannyń shyǵysynda tómendeidi. Temperatýralyq fonnyń túngi ýaqytta +10+18°S-tan +2+10°S-qa deiin, kúndiz +27+32°S-tan +15+25°S-qa deiin birtindep tómendeýi kútilýde.
Birinshi onkúndiktiń sońynda QR-dyń basym bóliginde kún qaita jylynady.
Qyrkúiektiń ekinshi jáne úshinshi onkúndiginde Qazaqstannyń soltústiginde, ortalyǵynda jáne shyǵysynda temperatýralyq rejimniń aýytqýy boljanady:
túnde +5+13°S-tan -5+5°S-qa deiin, kúndiz +20+28°S-tan +15+20°S-qa deiin;
QR ońtústigi men batysynda túnde +5+15°S-tan 0,+5°S-qa deiin, kúndiz +25+35°S-tan +10+20°S-qa deiin.
«Bir aiǵa arnalǵan konsýltativtik boljam sinoptikalyq jaǵdaidyń ózgerýine qarai túzetilýi múmkin jáne onkúndik boljamdarmen naqtylanatyn bolady», - delingen sinoptikter habarlamasynda.
