Foto QR Bas prokýratýrasy
Qyrǵyzstannyń densaýlyq saqtaý ministri Alymqadyr Beishenaliev ustaldy. Bul aqparatty eldiń Bas prokýratýrasynyń baspasóz qyzmeti rastady, - dep habarlaidy Tengrinews.kz.
Sheneýnik vaktsinalardy negizsiz satyp aldy degen kúdikke ilindi.
"2020 jylǵy jeltoqsannan 2021 jylǵy qyrkúiekke deiin Qyrǵyzstan halyqaralyq uiymdardan, Reseiden, Qytaidan, Ázerbaijannan jáne Qazaqstannan qaitarymsyz gýmanitarlyq kómek túrinde 451 560 vaktsina aldy. Sondai-aq, memleket basshysynyń Resei men Qytai prezidentterimen kelisiminiń nátijesinde gýmanitarlyq kómek túrinde 6 millionnan asa vaktsina alyndy. Soǵan qaramastan, densaýlyq saqtaý ministriniń tapsyrmasy boiynsha Densaýlyq saqtaý ministrligi sheteldik kompaniiadan 1 milliard 581 myń somǵa (shamamen 5 milliard 480 million teńge) 2 million 460 myń vaktsina dozasyn satyp alǵan", - dedi vedomstvonyń baspasóz qyzmeti ókili.
