Qyrǵyzstanmen jáne Reseimen shekarada saýda-ekonomikalyq ortalyqtar qurylady. Bul týraly Sheteldik investorlar keńesiniń 33-shi jalpy otyrysynda QR Saýda jáne integratsiia ministri Baqyt Sultanov aitty, dep habarlaidy QazAqparat.
«Basymdyqqa ie eksporttyq ónimderdi jetkizýdiń ońtaily nusqalaryn jolǵa qoiý maqsatynda biz Eýraziialyq taýar ótkizý júielerin jáne transshekaralyq habtar qurý jumysyn bastadyq. Zamanaýi transshekaralyq saýda-logistikalyq infraqurylymdy damytýda negizgi «ósim núktesi» Qytaimen shekaradaǵy Qorǵas toraby jáne Qazaqstan-Ózbekstan shekarasyndaǵy «Ortalyq Aziia» halyqaralyq saýda-ekonomikalyq yntymaqtastyq ortalyǵy bolmaq. Dál osynai ortalyqtar Qyrǵyzstanmen jáne Reseimen shekarada qurylady», - dedi ministr.
Onyń atap ótýinshe, Qazaqstan aýmaǵy arqyly ótetin halyqaralyq dálizderde Shyǵys-Batys jáne Ońtústik-Soltústik beldeýinde taýlarlar, júkter men qyzmetterdiń úilesimi qamtamasyz etiledi.
«Bul rette Eýraziialyq damý banki kórsetip otyrǵan Ortalyq Aziia óńirindegi saýda-logistikalyq áleýetti damytý jónindegi eksperttik-sarapshylyq qoldaýy asa qundy sanalady», - dedi Baqyt Sultanov.
