قىرعىزستانمەن جەنە رەسەيمەن شەكارادا ساۋدا-ەكونوميكالىق ورتالىقتار قۇرىلادى. بۇل تۋرالى شەتەلدٸك ينۆەستورلار كەڭەسٸنٸڭ 33-شٸ جالپى وتىرىسىندا قر ساۋدا جەنە ينتەگراتسييا مينيسترٸ باقىت سۇلتانوۆ ايتتى, دەپ حابارلايدى قازاقپارات.
«باسىمدىققا يە ەكسپورتتىق ٶنٸمدەردٸ جەتكٸزۋدٸڭ وڭتايلى نۇسقالارىن جولعا قويۋ ماقساتىندا بٸز ەۋرازييالىق تاۋار ٶتكٸزۋ جٷيەلەرٸن جەنە ترانسشەكارالىق حابتار قۇرۋ جۇمىسىن باستادىق. زاماناۋي ترانسشەكارالىق ساۋدا-لوگيستيكالىق ينفراقۇرىلىمدى دامىتۋدا نەگٸزگٸ «ٶسٸم نٷكتەسٸ» قىتايمەن شەكاراداعى قورعاس تورابى جەنە قازاقستان-ٶزبەكستان شەكاراسىنداعى «ورتالىق ازييا» حالىقارالىق ساۋدا-ەكونوميكالىق ىنتىماقتاستىق ورتالىعى بولماق. دەل وسىناي ورتالىقتار قىرعىزستانمەن جەنە رەسەيمەن شەكارادا قۇرىلادى», - دەدٸ مينيستر.
ونىڭ اتاپ ٶتۋٸنشە, قازاقستان اۋماعى ارقىلى ٶتەتٸن حالىقارالىق دەلٸزدەردە شىعىس-باتىس جەنە وڭتٷستٸك-سولتٷستٸك بەلدەۋٸندە تاۋلارلار, جٷكتەر مەن قىزمەتتەردٸڭ ٷيلەسٸمٸ قامتاماسىز ەتٸلەدٸ.
«بۇل رەتتە ەۋرازييالىق دامۋ بانكٸ كٶرسەتٸپ وتىرعان ورتالىق ازييا ٶڭٸرٸندەگٸ ساۋدا-لوگيستيكالىق ەلەۋەتتٸ دامىتۋ جٶنٸندەگٸ ەكسپەرتتٸك-ساراپشىلىق قولداۋى اسا قۇندى سانالادى», - دەدٸ باقىت سۇلتانوۆ.
