Jambyl oblystyq UQK departamenti munai gazyn zańsyz jolmen tonap júrgen qylmystyq topty quryqtady, - dep habarlaidy "Ult aqparat" vedomstvonyń baspasóz qyzmetine silteme jasap.
Munai shikizattary Qyrǵyzstanǵa jóneltilip otyrǵan.
Jambyl oblystyq UQKD jedel tergeý toby biyl qyrkúiekten bastap, tek Qazaqstan aýmaǵynda qoldanýǵa ruqsat etilgen asa iri kólemdegi munai gazyn tonap, Qyrǵyzstanǵa jóneltip otyrǵan qylmystyq toptyń áreketin áshkereledi.
"Aldyn ala málimet boiynsha, qylmystyq topqa Ońtústik Qazaqstan, Jambyl jáne Almaty oblystaryndaǵy kompaniialar osy júiede jumys istegen. Negizi kontrabandalyq gaz Qyrǵyzstan arqyly Tájikstan men Aýǵanstanǵa jiberilip otyrǵan", - dedi UQKD ókilderi.
Mamandardyń esebi boiynsha, ai saiynǵy zalal mólsheri 650 million teńge quraǵan.
"Jambyl oblystyq memlekettik kirister departamentimen birge júrgizilgen shara boiynsha sotqa deiingi tergeý sharalary QR Qylmystyq kodeksiniń 197-baby (Munaidyń jáne munai ónimderiniń shyǵarylý zańdylyǵyn rastaityn qujattarsyz olardy tasymaldaý, iemdený, ótkizý, saqtaý, sondai-aq munaidy qaita óńdeý) boiynsha júrip jatyr. 13 kúdikti bar, onyń altaýy QR azamattary, olardyń uzaq ýaqyt boiy munai jáne gazdy zańsyz túrde alǵanyn rastaityn qujattary men basqa da zattary tárkilendi", - dedi vedomstvodaǵylar.
Sonymen qatar, bul qylmystyq topqa quqyq qorǵaý organdary qyzmetkerleriniń qatysy bar-joǵy anyqtalyp jatyr. Jedel tergeý sharalary jalǵasyp jatyr.
