Qytaidyń «SinoPfarm» kompaniiasy ázirlegen COVID-19 vaktsinasynyń 150 myń dozasy Qyrǵyzstanǵa tegin berildi. «Manas» áýejaiyndaǵy gýmanitarlyq kómekti qabyldap alý rásimine Qyrgyz Respýblikasynyń Premer-ministri Ýlýkbek Maripov katysty, dep habarlaidy Kabar agenttigi.
«COVID-19 pandemiiasy eshbir el virýsqa qarsy ózi jalǵyz kúrese almaitynyn dáleldedi. Qyrǵyz Respýblikasy koronavirýs infektsiiasyna qarsy ózi jeke jáne halyqaralyq seriktesterimen birlesip kúresedi. Epidemiologiialyq kúrdeli ahýalǵa qaramastan Qytai qyrǵyz halqyna aitarlyqtai gmýnaitarlyq kómek kórsetýin jalǵastyryp keledi», - dedi Ýlýkbek Maripov. Ol virýsqa qarsy vaktsina jasaýdy qolǵa alǵan az eldiń qatarynda Qytaidyń birshama jetistikke jetkenin málimdedi.
Qyrǵyz Respýblikasyndaǵy QHR-dyń tótenshe jáne ókileti elshisi Dý Deven gýmanitarlyq kómektiń mańyzdylyǵyn málim etti.
«Qytai tarapynyń vaktsinany Qyrǵyzstanǵa aqysyz negizde berý týraly sheshimi eki eldiń dostyq nietin bildirip, qyrǵyz-qytai qarym-qatynasynyń joǵary deńgeiin jáne strategiialyq seriktes ekendigin kórsetedi. Vaktsinalar qyrǵyz tarapyna epidemiiaǵa qasry kúreste qyrǵyz halqynyń densaýlyǵy men qaýipsizdigin qamtamasyz etýge kómektesedi dep senemin», - dedi elshi.
