Bishkekte oqýshylar trolleibýstyń ishinde fleshmob uiymdastyrdy. Olar qyrǵyz ulttyq aspaptarymen qazaqtyń mýyzkalyq kompozitsiialaryn oryndady, dep habarlaidy Baq.kz aqparat agenttigi Sputnik Qyrǵyzstan-ǵa silteme jasap.
Qoǵamdyq kóliktiń ishinde Jýmamýdýn Sheraliev atyndaǵy №6 balalar óner mektebiniń oqýshylary «Ata Tolǵaýy» kompozitsiiasyn oryndaǵan.
Óner mektebiniń oqytýshysy Tolgonai Osmonovanyń aitýynsha, balalar bul kúidi kezdeisoq tańdamaǵan. Olar Qyrǵyzstan men Qazaqstannyń prezidentterin osylaisha dostasýǵa shaqyrǵylary kelgenderin jetkizgen.
«Qyrǵyz jáne qazaq halqy birtutas bolýy kerek, olar saiasi suraqtarǵa bailanysty bólinbeýi tiis. Bizdiń mádenietimiz de, dástúrimiz de birdei. Biz eki eldiń qashanda dos bolǵanyn qalaimyz. Bul fleshmobty «Dostastyq» dep ataýǵa bolady», - deidi Osmonova.
«Ata Tolǵaýy» - qazaq kompozitory Nurǵisa Tilendievtiń orkestrlik poemasy. Uly mýzykant - 500-den astam tańǵajaiyp týyndynyń avtory, Qazaq KSR halyq ártisi, KSRO halyq ártisi, Halyq Qaharmany.
