Foto: Aditya Romansa / Unsplash
Qyrǵyzstanda áiel jańa týǵan qyzyn 100 000 som, iPhone telefony men Reseige ushatyn biletke satqan, - dep habarlaidy Tengrinews.kz saity 24.kg agenttigine silteme jasap.
Shý oblysy IIBB málimetinshe, Ystyq-Ata aýdanynda balany satý deregi anyqtalǵan. Júktiligi segiz ailyq 25 jastaǵy áiel balasyn B.F-ǵa satýǵa keliskeni belgili boldy.
"Áli týmaǵan balany áiel 100 myń som, iPhone 12 jáne Reseige ushatyn áýe biletine satqysy kelgen. Sonymen qatar, satyp alýshy bala týǵanǵa deiin S.Z-ny qamtamasyz etýi kerek edi. Balany satyp almaq bolǵan B.F. Ystyq-Ata aýdanynyń jalpy dárigerlik praktika ortalyǵy qyzmetkerimen sóz bailasqan. Olar B.F. júkti ekeni týraly jalǵan aiyrbastaý kartasyn jasady. 20 mamyrda S.Z. qyz týdy. Politsiia qyzmetkerleri balany satý týraly kelisimniń jolyn kesti. Satyp alýshy men balanyń anasy politsiiaǵa jetkizildi", - dep habarlady vedomstvo.
