Foto: ashyq derekkóz
Qazaqstan Respýblikasy Kólik ministrliginiń Azamattyq aviatsiia komiteti ushý geografiiasyn keńeitý jáne halyqaralyq reister sanyn arttyrý boiynsha júieli jumys júrgizýde, dep habarlaidy Ult.kz.
2025 jylǵy 27 maýsymnan bastap Qazaqstannyń aviatsiialyq naryǵyna Qyrǵyzstannyń áýe kompaniiasy – «Asman Airlines» kiredi. Kompaniia Almaty – Ystyqkól baǵyty boiynsha aptasyna eki ret (dúisenbi jáne juma kúnderi) turaqty tikelei jolaýshy reisterin oryndai bastaidy.
Sonymen qatar, 3 shildeden bastap qazaqstandyq «Fly Arystan» áýe tasymaldaýshysy da Almaty – Ystyqkól baǵyty boiynsha tikelei reisterdi iske qosady. Reister aptasyna eki ret – beisenbi jáne jeksenbi kúnderi oryndalady.
Osylaisha, jazǵy kezeńde kórsetilgen baǵyt boiynsha aptasyna 4 turaqty jolaýshy reisi oryndalatyn bolady.
Áýeqatynastyń ashylýy eki el arasyndaǵy týristik, saýda-ekonomikalyq jáne iskerlik yntymaqtastyqtyń odan ári damýyna yqpal etedi.
